Read Dagbani Yila 145 Bible Online

Yila 145 - Dagbani bible

Yila 145

¹[124] N Naawuni ni n Naa, n ni duh’ a, ka paɣ’ a yuli sahakam.

²N ni tir’ a jilima dabisili kam, ka kul ni paɣir’ a yuli sahakam.

³Yawɛ galisiya, ka simdi paɣibu pam. So ku tooi baŋ o galisim maa ni nyɛ shɛm.

⁴Ʒiɛman’ yini niriba ni paɣ’ a a ni tum shɛm zuɣu ʒiɛman’ shɛli niriba sani, ka yɛl’ a yiko tuma yɛla.

⁵N ni yɛl’ a jilima din galisi ŋɔ min’ a tibiginsim yɛla, ka tɛh’ a daalahiziba tuma yɛla.

⁶Niriba ni yɛli a yiko tuma din mali dabiɛm ŋɔ yɛla, ka n gba yɛli a ni galisi shɛm yɛla.

⁷Bɛ ni yɛl’ a nirilim yɛla, ka kuhi yɛl’ a wuntia yɛla.

⁸Yawɛ nyɛla nirilimlana ni nambɔzɔra. O suhu bi yiɣisiri yom, ka o yurilim maŋli galisi pam.

⁹Yawɛ nyɛla ŋun niŋdi sokam zaa zaɣ’ viɛlli, ka zɔri o ni nam binshɛɣukam zaa nambɔɣu.

¹⁰Yawɛ, a binnamda zaa ni paɣ’ a, ka a niriba bɛn zaa ʒe yim ni paɣ’ a.

¹¹Bɛ ni yɛl’ a nam dariza yɛla, ka yɛl’ a yiko yɛla.

¹²Bɛ ni chɛ ka niriba baŋ a kpiɔŋ tuma min’ a nam dariza din galisi pam ŋɔ yɛla.

¹³A nam nyɛla saha din ka bahigu nam, ka a su binshɛɣukam zaa ʒiɛmani kam ni. Yawɛ nyɛla ŋun ʒe yim o yɛtɔɣa zaa ni, ka nyɛ nambɔzɔra o tuma zaa ni.

¹⁴Yawɛ gbibi bɛnkam zaa yɛn lu; ka yiɣisiri bɛnkam zaa pun lu.

¹⁵Sokam zaa kul lihir’ a mi, ka a tiri ba bindirigu bɛ ni bɔri li saha shɛli.

¹⁶A ti ba pam, ka chɛ ka vuhirigu kam di n-tiɣi.

¹⁷Yawɛ nyɛla ŋun doli wuntitali soli o tuma zaa ni, ka zɔri nambɔɣu o ni niŋdi shɛlikam zaa ni.

¹⁸Yawɛ miri ŋunkam zaa suh’ o mini ŋunkam zaa suh’ o ni yɛlimaŋli.

¹⁹O tiri bɛnkam zaa zɔr’ o bɛ ni bɔri shɛli. O lan deeri bɛn suhir’ o suhigu ka tiligiri ba.

²⁰Yawɛ guli ninvuɣ’ shɛb’ bɛn yur’ o, amaa o ni ku ninvuɣ’ biɛri zaa.

²¹N kul ni paɣiri Yawɛ sahakam, ka o binnamda zaa kul ni paɣir’ o sahakam.