Read Dagbani Yila 146 Bible Online

Yila 146 - Dagbani bible

Yila 146

¹Paɣimiya Yawɛ! M paɣiri Yawɛ n suhu ni!

²N ni paɣi Yawɛ n nyɛvili bebu ni zaa. N ni yili yila paɣi n Naawuni hal ni n nyɛvili tariga.

³Di niŋ zuɣulaannim’ naani, a mi di niŋ daadamnim’ bɛn ka sɔŋsim ŋɔ naani.

⁴Bɛ vuhim yi ti naai, bɛ labirila tiŋgban’ ni; di saha ka bɛ ni lo nia shɛŋa zaa kpalim yoli.

⁵Ninvuɣ’ shɛb’ bɛn sɔŋsim yiri Yaakubu Naawuni sanna mal’ alibarika. Bɛ tahima bela Yawɛ ŋun nyɛ bɛ Naawuni ŋɔ sani.

⁶ Ŋuna n-nam zuɣusaa mini tiŋgbani ni teeku ni binshɛɣukam din be di ni. O nyɛla ŋun ʒe yim sahakam.

⁷O doli zaligu soli kariti saria tiri ninvuɣ’ shɛb’ bɛn be nahiŋgu ni, ka tiri kum ni mali ninvuɣ’ shɛba bindirigu. Yawɛ yoori bɛn be sarika ni bahira.

⁸Yawɛ neeri zoomba nina. Yawɛ yiɣisiri ninvuɣ’ shɛb’ bɛn lu. Yawɛ yuri wuntizɔriba.

⁹Yawɛ guli saamba, ka gbibi pakoya mini kpibisi. Amaa o saɣindi ninvuɣ’ biɛri ni lo nia shɛŋa.

¹⁰Yawɛ n-kul nyɛ naa sahakam. Ziɔn, Naawuni n-kul nyɛ ʒiɛmani kam Naawuni. Paɣimiya Yawɛ!