Read Dagbani Yila 148 Bible Online

Yila 148 - Dagbani bible

Yila 148

¹Paɣimiya Yawɛ! Bɛn be zuɣusaa, paɣimiya Yawɛ! Bɛn be zuɣusaa katiŋ’ ha, paɣimiy’ o!

²O malaikanim’ zaa, paɣimiy’ o! O tɔbbihi zaa, paɣimiy’ o!

³Wuntaŋ’ mini goli, paɣimiy’ o! Saŋmarisi bɛn nyaɣisiri zaa, paɣimiy’ o!

⁴Zuɣusaa katiŋ’ ha, paɣim’ o! Kom din be sagbana zuɣusaa ha, paɣim’ o.

⁵Di simdi ni bɛ paɣi Yawɛ yuli; dama o noli ni yɛligu ka o daa zaŋ nam ba.

⁶Ŋuna n-zali ba ni bɛ kul beni sahakam. O zali ba la zaligu, ka di mi ku yiɣisi.

⁷Teeku bula mini biŋkɔb’ kara bɛn be di ni, paɣimiya Yawɛ dunia ni.

⁸Buɣim mini sakuɣa ni gulisigu ni sanʒiɛɣu din deer’ o noli, paɣimiy’ o!

⁹Zoya mini kunkuna ni tihi din wandi wala ni sida tihi zaa, paɣimiy’ o!

¹⁰Mɔɣu ni biŋkɔbiri mini niɣi ni biŋgbamda ni binyiɣira zaa, paɣimiy’ o!

¹¹Dunia nanima mini zuliya kam zaa ni nabihi ni tiŋgbana zuɣulaannim’ zaa, paɣimiy’ o!

¹²Nachimba mini paɣisara ni ninkura ni bihi zaa, paɣimiy’ o!

¹³Chɛ ka bɛ paɣi Yawɛ yuli, dama o kɔŋko yuli tibisi gari yuli kam. O jilima galisiya dunia ni mini zuɣusaa.

¹⁴Yinima ninvuɣ’ shɛb’ o ni ti kpiɔŋ ŋɔ, yinima ninvuɣ’ shɛb’ bɛn zaa ʒe o yim ŋɔ, yinim’ Izraɛlnim’ bɛn mir’ o ŋɔ, paɣimiya Yawɛ!