Read Dagbani Yila 21 Bible Online

Yila 21 - Dagbani bible

Yila 21

¹[18] Yawɛ, a kpiɔŋ zuɣu ka naa mali suhupiɛlli; a sɔŋsim zuɣu ka o mali suhupiɛlli pam maa.

²A ti o o suhu ni bɔri shɛli; ka bi mɔŋ o o ni suh’ a bɔri binshɛli.

³Dama a zaŋ alibarika pam na ti ti o; ka zaŋ salima alali nam zuɣupiligu pil’ o.

⁴O suh’ a nyɛvili, ka a ti o li; ka di nyɛ nyɛvil’ wɔɣinli din ka bahigu.

⁵A sɔŋsim zuɣu ka o jilima galisi; ka a chɛ ka o yuli du ka o nam mali dariza.

⁶A niŋ alibarika niŋ o ni sahakam; a chɛ ka o mali suhupiɛlli din yi a sanna.

⁷Dama naa maa niŋla Yawɛ naani; ka Zallakudura Naa yurilim maŋli la zuɣu chɛ ka binshɛli ku tooi vuug’ o.

⁸A nuu ni bo n-nya a dimnim’ zaa. A nudirigu ni bo n-nya ninvuɣ’ shɛb’ bɛn zaa je a.

⁹A yi ti yi palo, a ni bahi ba yoli kaman buɣim n-di ba la. Yawɛ ni bahi ba yoli zaa o suhuyiɣisili puuni, ka buɣim di ba.

¹⁰A ni ku bɛ zuliya bɛn be dunia ŋɔ ni, ka yihi bɛ bihi ninsalinim’ ni.

¹¹Bɛ yi lo nia biɛɣu zaŋ chaŋ a polo, ka lo ni bɛ yi a nyaaŋa n-niŋ a shɛli, bɛ ku di nasara.

¹²Dama a ni kpuɣ’ a piɛma tiri ba, ka bɛ ŋmaligi guui.

¹³Yawɛ, a nyari paɣibu a kpiɔŋ zuɣu! Ti ni yili yila paɣ’ a yiko maa.