Read Dagbani Yila 3 Bible Online

Yila 3 - Dagbani bible

Yila 3

¹[1] Yawɛ, n dimnim’ galisiya pam, bɛn yiɣisi lu n zuɣu galisiya pam!

²Niriba pam kul yɛri ma mi, “Naawuni ku sɔŋ a.”

³Amaa nyin’ Yawɛ n-nyɛ n nyɔtaɣirigu, nyini n-nyɛ n jilima, ka chɛ ka n zuɣu ʒe ya.

⁴N kuhi pam boli Yawɛ ni o sɔŋ ma, ka o be o zoli din be kasi la zuɣu ka garigi ma.

⁵N dooni gbihira, ka lan yirisira, dama Yawɛ n-guli ma.

⁶M bi zɔri ninvuɣ’ tuhi’ piapia bɛn ʒe n-gili n luɣilikam la.

⁷Yawɛ, yiɣisim’ zani! Yaa n Naawuni, tiligim’ ma! A labi n dimnim’ zaa tapaɣisi, ka ŋme n-kabi ninvuɣ’ biɛri nyina.

⁸Yawɛ, a sani ka nasara dibu yirina, niŋm’ alibarika niŋ’ a niriba ni.