Read Dagbani Yila 41 Bible Online

Yila 41 - Dagbani bible

Yila 41

¹[39] Ninvuɣ’ shɛb’ bɛn baɣa be faranim’ ni mal’ alibarika; bɛ yi ti be muɣisigu ni, Yawɛ ni sɔŋ ba.

²Yawɛ ni guli ba ka ba bɛ nyɛviya zali; ka chɛ ka bɛ mal’ alibarika dunia ŋɔ ni; o mi ku chɛ ba niŋ bɛ dimnim’ nuu ni.

³Bɛ yi ti biɛra, Yawɛ ni sɔŋ ba, ka tib’ bɛ dɔriti zaa.

⁴Amaa man’ ni yɛlimi, “Yawɛ, n tum alahichi a sani, zom’ ma nambɔɣu ka tib’ ma.”

⁵N dimnim’ kul lɔrila nia biɛri zaŋ chaŋ m polo. Bɛ bɔrimi ni n kpi ka n yuli gba kpi m-pahi.

⁶Bɛ yi kana ti kaai ma, bɛ tɛhirila yɛl’ biɛri yɛla. Bɛ yi lo yɛtɔɣ’ biɛri ŋɔ nia bɛ suhuri ni naai, bɛ yirimi chaŋ ti zaŋ li moli gili.

⁷Bɛnkam zaa je ma sɔɣirimi yɛri taba n yɛla. Bɛ kul tɛhirila zaɣ’ biɛɣu tiri ma.

⁸Bɛ yɛrimi, “Kum dɔro n-gbaag’ o maa. O ku lan yiɣisi o dooshee maa yaha.”

⁹ Hal ŋun nyɛ n zo simo, ka n niŋ o yɛda, ka m min’ o laɣindi diri la gba yila n nyaaŋa.

¹⁰Amaa Yawɛ, nyin’ zom’ ma nambɔɣu, ka n yiɣisi zani, m-bɔhi ba biɛri labisi.

¹¹Dimbɔŋɔ puuni ka n ni baŋ ni a nini tiɣi ma. Dina n-nyɛ: a bi chɛ ka n dimnim’ nyaŋ ma.

¹²Amaa galimi ni ka m biɛhigu ni zuɣu, a sɔŋ ma, ka zaŋ ma zal’ a tooni sahakam.

¹³ Paɣimiya Yawɛ ŋun nyɛ Izraɛlnim’ Naawuni ŋɔ! Kul paɣimiy’ o ʒiɛmani kam ni. Ami! Ami!