Read Dagbani Yila 43 Bible Online

Yila 43 - Dagbani bible

Yila 43

¹Yila 42 mini 43 nyɛla yilli zaɣ’ yini. Naawuni, wuhimi n ni ka taali shɛm, ka zabi n zuɣu ninvuɣ’ biɛri sani, ka fa ma ʒiŋmariba mini ninvuɣ’ shɛb’ bɛn bi doli zaligu soli nuu ni bahi.

²Nyin’ Naawuni n-nyɛ n ni sɔɣiri so sani; ka bɔ n-niŋ ka a chɛ ma bahi? Bɔzuɣu ka a chɛ ka n fabindi n dimnim’ ni nahindi ma shɛm zuɣu?

³Chɛ ka a neesim min’ a yɛlimaŋli kana; ka chɛ ka di wuhi ma soli n-zaŋ ma tahi a zoli din be kasi ka nyɛ a ni be luɣ’ shɛl’ la zuɣu.

⁴Di saha ka n ni chaŋ nyin’ Naawuni sara maligu bimbin’ la gbini, luɣ’ shɛli din nyɛ nyin’ Naawuni ŋun tiri ma suhupiɛlli pam ŋɔ sani la; ka ŋme m mɔɣilo paɣi nyin’ Naawuni ŋun nyɛ n Naawuni ŋɔ.

⁵Ka di chaŋ wula ka nandahima mali ma pam? Di chaŋ wula ka n suhu kul zɔhira? N ni mali tahima Naawuni sani, dama n ni ti lan paɣ’ o yaha. Ŋuna n-nyɛ n sɔŋsim ni n Naawuni.