Read Dagbani Yila 56 Bible Online

Yila 56 - Dagbani bible

Yila 56

¹[54] Naawuni, zom’ ma nambɔɣu; dama niriba kul durimi tamdi n zuɣu; n dimnim’ kul nahindi ma mi dabisili kam puuni.

²N dimnim’ maa kul duri tamdila n zuɣu dabisili kam puuni, dama bɛn tuhiri ma maa galisiya pam.

³Naawuni ŋun nyɛ Zallakudura Naa ŋɔ, dabiɛm yi ti mali ma, nyini ka n ni niŋ naani.

⁴N ni paɣiri Naawuni so yɛligu maa, ŋuna ka n niŋ naani ka bi zɔri dabiɛm. Ka bɔ ka ninsal’ lee ni tooi niŋ ma?

⁵N dimnim’ maa kul bɔrila soli dabisili kam ni bɛ saɣim m bukaata; bɛ tɛha zaa kul nyɛla bɛ loya ni bɛ niŋ ma la zaɣ’ biɛɣu.

⁶Bɛ laɣindimi sɔɣiri dooni ni bɛ nya n ni niŋdi shɛlikam zaa, ka maani tahima ni bɛ ku ma.

⁷Naawuni, darigim’ bɛ tibili bɛ tuumbiɛri maa zuɣu; nyaŋmi lala zuliyanim’ maa a suhuyiɣisili puuni!

⁸A mi n ni be muɣisigu shɛl’ ni; zaŋmi n nintam niŋ a luɣuluɣu ni. Bee di yɛla bi sab’ be a litaafi ni?

⁹N yi ti kuhi bol’ a dahin’ shɛli, n dimnim’ maa ni ŋmaligi zo. Dama m mi ni nyin’ Naawuni be m polo,

¹⁰Nyin’ Yawɛ yɛligu ka m paɣira, nyin’ Naawuni yɛligu ka m paɣira.

¹¹Naawuni ka n niŋ naani, ka ku zo dabiɛm. Ka bɔ ka ninsal’ lee ni tooi niŋ ma?

¹²Naawuni, n ni zaŋ n ni lo alikauli ni n zaŋ shɛli ti a la ti a. N ni zaŋ wumpaɣibo pini ti a.

¹³Dama a tiligi ma kum ni, ka chɛ ka m bi lu ni di chɛ ka m be a tooni n-chani nyɛvili neesim puuni.