Read Dagbani Yila 58 Bible Online

Yila 58 - Dagbani bible

Yila 58

¹[56] Yinim’ bɛn nyɛ zuɣulaannima, yi zaani zaligu shɛŋa din tuhi? Yi kariti niriba saria ka di doli soli?

²Aai, tuumbiɛri tumbu m-be yi suhuri ni, ka yi kul tumdila duŋtaabo tuma dunia ŋɔ ni.

³Ninvuɣ’ biɛri pun birigi ka na bela bɛ manim’ puya ni. Bɛ dɔɣibu saha ka bɛ pun birigi; ka nyɛ ʒiŋmariba.

⁴Bɛ lɔɣu ŋmanila wahu lɔɣu. Bɛ ŋaritila bɛ tiba kaman sapaɣu ŋun ŋar’ o tiba,

⁵ni di chɛ ka bɛ ku wum waɣigbahiriba kukoya, bee n-wum waɣigbahiriba yila.

⁶Naawuni, kabisim’ bɛ nyina; Yawɛ, kabisim’ gbuɣim’ pola maa nyin’ wɔɣila la.

⁷Chɛ ka bɛ vuui yomyom kaman kɔzɔrim la; ka chɛ ka bɛ no n-taai ba kaman sol’ zuɣu mɔri la ka bɛ kpi.

⁸Chɛ ka bɛ be kaman giŋgalanyɔri ni yi chaŋ gari ka bɛ jolijoli doya shɛm la; ka chɛ ka bɛ be kaman bɛ ni zaŋ bi’ so bahi ka o nini bi nya wuntaŋ’ la.

⁹Chɛ ka bɛ ti yɛn baŋ ka a pun chɛ ba luhi kaman mɔri la. Nyin’ Naawuni suhuyiɣisili puuni, a ni pɔbisi ba bahi ka bɛ na nɛmi.[57]

¹⁰Wuntizɔriba yi ti nya ka Naawuni bɔhi biɛri, di ni niŋ ba suhupiɛlli. Bɛ ni ti siɣi ninvuɣ’ biɛri ʒim ni n-no n-gili.

¹¹Niriba ni ti yɛli, “Yɛlimaŋli, wuntizɔriba mali laara. Yɛlimaŋli, Naawuni ŋun kariti dunianim’ saria shiri beni.”