Read Dagbani Yila 6 Bible Online

Yila 6 - Dagbani bible

Yila 6

¹[4] Yawɛ, di kpahi n zuɣu ni a suhuyiɣisili puuni. A mi di saɣisi ma a suhuyiɣisili saha!

²Yawɛ, n tarigimi, zom’ ma nambɔɣu. Yawɛ, n kɔba ni zaa chɔɣisimi dabiɛm zuɣu, tibimi ma.

³Dabiɛm gbaai ma pam. Yawɛ, bɔ saha ka n ni guhiri shɛm yɛn zan’ tariga?

⁴Yawɛ, ŋmaligim’ na tiligi ma; fam’ ma bahi a yurilim din galisi la zuɣu.

⁵Dama nir’ yi kpi, o ku lan teeg’ a yɛla; ka ŋuni n-ni tooi paɣ’ a gballi ni?

⁶Nandahima zuɣu chɛ ka n tarigimi; nintam kul mahigirila m bindoo yuŋ kam; ka n nintam maa chɛ ka n difiɛli kul mahigi gbati.

⁷N nina fulimmi n nandahima zuɣu, n dimnim’ chɛ ka di niŋla liti.

⁸ Yinim’ bɛn zaa nyɛ tuumbiɛrinim’ ŋɔ, Zomiya n sani! dama Yawɛ wum n kumsi maa;

⁹Yawɛ wum n ni suh’ o bɔri shɛli maa. Yawɛ ni deei n suhigu.

¹⁰N dimnim’ zaa ni di vi, ka dabiɛm gbahi ba pam; di ku yuui ka bɛ di vi maa, ka ŋmaligi zo.