Read Dagbani Yila 63 Bible Online

Yila 63 - Dagbani bible

Yila 63

¹[62] Naawuni, nyini n-nyɛ n Naawuni, ka n kul bɔr’ a. N suhu zaa kul yɛla a zuɣu. N niŋgbuŋ luɣili pinaayi zaa kul bɔr’ a mi. Di bemi kaman tiŋgban’ kuŋ din chaɣisi ka kom ka nimaani la.

²N daa nya a luɣ’ kasi shee la; N daa nya a yiko min’ a jilima la.

³A yurilim maŋli la so nyɛvili. N ni yaai n noli paɣ’ a.

⁴Dinzuɣu n ni paɣ’ a hal ni n nyɛvili tariga. N ni kpuɣi n nuhi zuɣusaa m-paɣ’ a yuli.

⁵N di n-tiɣi kaman chuɣu ka m puhi la, ka yaai n noli paɣ’ a ni suhupiɛlli.

⁶N yi ti do m bindoo zuɣu n teerila a yɛla; ka kul tɛhir’ a yɛla yuntisuɣu saha;

⁷dama nyini m-pun nyɛ n sɔŋda, ka n kul be a kpiŋkpama mahim ni n-yiini suhupiɛlli yila.

⁸Nyin’ ka n vili gbibi, ka a nudirigu kul gbib’ ma ka n ku lu.

⁹Amaa ninvuɣ’ shɛb’ bɛn lo nia ni bɛ di n nyɛvil’ la ni chaŋ ti be kpiimba biɛhigu shee.

¹⁰Bɛ ni zaŋ takɔbi ku ba; ka yɔbahi ŋub’ ba.

¹¹Amaa naa ni mali suhupiɛlli Naawuni sani, ka bɛnkam zaa zaŋ Naawuni yuli m-po pɔri ni mali suhupiɛlli dama ʒiŋmariba ni fo bɛ noya.