Read Dagbani Yila 64 Bible Online

Yila 64 - Dagbani bible

Yila 64

¹[63] Naawuni, deemi n suhigu n fabila ŋɔ puuni. Fam’ n nyɛvili bahi, dama n zɔrila n dimnima.

²Sɔɣim’ ma ka chɛ ninvuɣ’ biɛri ni lɔri nia biɛ’ shɛŋa ashilɔni zaŋ chaŋ m polo la, ka sɔɣi ma ka chɛ tuumbiɛtumdiba ni lɔri yɛmbimbiɛri nia biɛ’ shɛŋa la.

³Bɛ sahirila bɛ zilima ka di be kaman takɔbiri la, ka mal’ li yɛri yɛtɔɣ’ biɛri din ŋmani piɛma

⁴n-sɔɣi ŋuniya mal’ li tɔri ninvuɣ’ so ŋun ka taali; bɛ kul tɔrila niriba libigiri ba, ka bi zɔri dabiɛm.

⁵Bɛ kul dolila bɛ nia biɛri maa soli n-gbaari nia ni bɛ bari zana ashilɔni; ka tɛhira, “Ŋuni n-lee ni tooi nya ti?

⁶Ŋuni n-lee ni tooi vihi baŋ ti tuumbiɛri maa? Ti lo yɛmbimbiɛri nia biɛɣu ŋɔ.” Dama ninsal’ suhu ni tɛha zilim pam.

⁷Amaa Naawuni ni zaŋ o piɛma to ba; bɛ ni nya dansi ka di libigi ba.

⁸Bɛ nol’ ni yɛtɔɣa zuɣu, o ni chɛ ka bɛ bahi ba yoli zaa, ka bɛnkam zaa nya ba, dabiɛm gbahiri ba mi, ka bɛ ni sɔhira.

⁹Ka dabiɛm ni gbaai sokam zaa, ka bɛ yɛli Naawuni ni niŋ shɛm maa yɛla, ka zaŋ o ni niŋ shɛm maa yɛla niŋ bɛ suhuri ni.

¹⁰Chɛ ka wuntizɔriba mali suhupiɛlli Yawɛ sani, ka sɔɣ’ o sani. Bɛnkam zaa bebu be tibi bɛ suhuri ni tibigim’ o.