Read Dagbani Yila 67 Bible Online

Yila 67 - Dagbani bible

Yila 67

¹[66] Naawuni zom’ ti nambɔɣu, ka niŋ alibarika niŋ ti ni; ka ŋmalig’ a nini lihi ti ni yurilim,

²ka di zuɣu chɛ ka dunianim’ baŋ a soli, ka zuliya kam zaa baŋ a tiliginsim yiko yɛla.

³Naawuni, chɛ ka niriba paɣ’ a, chɛ ka niriba zaa paɣ’ a!

⁴Chɛ ka zuliya kam suhuri paligi, chɛ ka bɛ yili yila ni suhupiɛlli, dama a kariti niriba saria ka di tuhi, ka wuhiri zuliya kam soli dunia ŋɔ ni.

⁵Naawuni, chɛ ka niriba paɣ’ a, chɛ ka niriba zaa paɣ’ a!

⁶Tiŋgban’ ni bindira niŋya pam; Naawuni ŋun nyɛ ti Naawuni ŋɔ niŋ alibarika niŋ ti ni.

⁷Naawuni, kul niŋmi alibarika niŋmi ti ni. Niriba bɛn be dunia ŋɔ ni zaa jɛmm’ a.