Read Dagbani Yila 75 Bible Online

Yila 75 - Dagbani bible

Yila 75

¹[76] Naawuni, ti paɣir’ a, ti paɣir’ a; dama a miri ti. Sokam yɛr’ a daalahiziba tuma yɛla.

²Naawuni yɛliya, “N ni zali saha shɛli yi ti paai, n ni doli yɛlimaŋli soli kari saria.

³Tiŋgbani mini binshɛɣukam din be di ni zaa yi ti sɔhira, mani n-nyɛ ŋun gbib’ di daantalisi.”

⁴N yɛli barinyuriba, “ Di nyuriya bara.” Ka yɛli ninvuɣ’ biɛri mi, “Di maliya karimbaani.

⁵Di maliya karimbaani ti yaɣi bee n-tɔɣisiri kapirichi yɛtɔɣa.”

⁶Dama nir’ tibiginsim bi yirila wulimpuhili polo na bee wulinluhili polo na; ka di mi bi yirila mɔɣu ni na.

⁷Amaa Naawuni ŋun kariti saria luhiri so ka yiɣisiri so la sani ka di yirina.

⁸Dama Yawɛ suhuyiɣisili wain din mali kpiɔŋ pam pipia m-be o nuu ni kpeera, ka o booi li ni o ti dunia ŋɔ ninvuɣ’ biɛri zaa ka bɛ nyu li hal ti naai di zaa kahikahi.

⁹Amaa n kul ni mali suhupiɛlli sahakam, n ni yili yila paɣi Yaakubu Naawuni ŋɔ.

¹⁰Naawuni yɛliya, “N ni saɣim ninvuɣ’ biɛri yiko, amaa n ni pahi wuntizɔriba yiko.”