Read Dagbani Yila 91 Bible Online

Yila 91 - Dagbani bible

Yila 91

¹Nyin’ ŋun be Zallakudura Naa sani sɔɣibu shee mini ŋun kpalim be Kpiɔŋlan’ Naa mahim ni

²ni yɛli Yawɛ, “A sani n-nyɛ n sɔɣibu shee, ni m birini; Naawuni ŋun nyɛ n ni niŋ so naani ŋɔ.”

³Dama o ni tilig’ a bɛn bariti zana nuu ni mini alɔbo din kuri niriba ni.

⁴O ni zaŋ a niŋ o kpiŋkpama lɔŋni, ka a nya sɔɣibu shee o kpiŋkpama maa ni. O ʒiɛyimtali nyɛla gbaɣino mini din taɣiri nira.

⁵A ku zɔri yuŋ varisigu bee peen’ shɛŋa din yiɣiri wuntaŋ’ ni

⁶bee alɔbo din be zibisim ni bee mbusim din paarina wuntaŋ’ ni agbaa saha la.

⁷Ninvuɣ’ tuhili ni ti lu n-do a luɣili polo, ka tuhi’ pia lu n-do a nudirigu polo, amaa di ti ku miri nyin’ na.

⁸A naɣ’ ni zaŋla a nina lihi nya ninvuɣ’ biɛri tibidarigibo.

⁹A ni sɔɣi Yawɛ ŋun nyɛ Naawuni Zallakudura Naa sani ka zaŋ o leeg’ a biɛhigu shee la zuɣu,

¹⁰zaɣ’ biɛɣu ku tooi paag’ a, ka alɔbo shɛli mi ku tooi mir’ a yiŋ’ na.

¹¹ Dama o ni chɛ ka o malaikanim’ gul’ a a chandi shee zaa.

¹² Bɛ ni gbib’ a bɛ nuhi ni ka a napɔŋ ku tuui kuɣili.

¹³ A ni ti du n-tam gbuɣima mini tinvura zuɣu; a ni du n-tam gbuɣim polli mini wɔɣimaha zuɣu n-no ba.

¹⁴Naawuni yɛliya, “Bɛn zaŋ bɛmaŋ’ tabili ma yurilim puuni, n ni fa ba bahi. Bɛn mi n yuli, n ni guli ba.

¹⁵Bɛ yi ti kuhi boli ma, n ni garigi ba; n ni be bɛ sani bɛ muɣisigu nyabu saha, n ni tiligi ba ka ti ba jilima.

¹⁶N ni ti ba nyɛvil’ wɔɣinli; ka wuhi ba n tiliginsim.”