Read Dagbani Yila 92 Bible Online

Yila 92 - Dagbani bible

Yila 92

¹[94] Di viɛl’ ni ti paɣi nyin’ Yawɛ ŋun nyɛ Zallakudura Naa, ka yili yila paɣ’ a yuli;

²ka yɛli a yurilim maŋli la yɛla asiba, ka yɛli a ʒiɛyimtali yɛla yuŋ.

³Di simdi ni ti ŋme goonje mini mɔɣilo paɣ’ a, ka ŋme biɛɣu paɣ’ a.

⁴Yawɛ, a chɛ ka a tuma ti ma suhupiɛlli; a ni tum tuun’ shɛŋa chɛ ka n yili yila ni suhupiɛlli.

⁵Yawɛ, a tuma galisiya pam! A tɛha zilim pam!

⁶Jɛrigu ku tooi baŋ li; ka ŋun ka laasabu ku tooi baŋ dimbɔŋɔ.

⁷Hal putɔɣulaannim’ yi kul zoori kaman mɔri la, ka tuumbiɛtumdiba zaa kul tɔŋda, bɛ ni ti bahi yoli zaa.

⁸Amaa nyin’ Yawɛ n-kul nyɛ ŋun galisi sahakam.

⁹Yawɛ, di yi nyɛla a dimnima, a dimnim’ maa ni ti kpi; ka tuumbiɛtumdiba zaa ti wurim.

¹⁰Amaa a ti ma kpiɔŋ ka di be kaman yɔnaɣilaa kpiɔŋ la. A booi kpa’ viɛlli bahi n zuɣu ni.

¹¹N nini nya n dimnim’ lubu; ka n tiba wum ninvuɣ’ shɛb’ bɛn liriti ma azaaba nyabu kuhigu.

¹²Wuntizɔriba zoorimi kaman abie tia la, ka zoori kaman Lɛbanɔn sida tia la.

¹³Bɛ zaŋ ba zalila Yawɛ jɛmbu duu, ka bɛ zoori ti Naawuni jɛmbu duu maa ni.

¹⁴Bɛ yi ti kurigi, bɛ na kul ni wandi wala; ka mali sum, ka bɛ vari kul nyɛ vamaha.

¹⁵Dimbɔŋɔ wuhiri ni Yawɛ nyɛla ŋun biɛhigu tuhi; o nyɛla n tampiŋ, ka dinkam pa wuntia tuuni ka o ni.