Read Dagbani Yila 96 Bible Online

Yila 96 - Dagbani bible

Yila 96

¹Yilimiya yil’ palli paɣi Yawɛ; dunianim’ zaa, yilimiya yila paɣi Yawɛ.

²Yilimiya yila paɣi Yawɛ; ka paɣimiy’ o yuli; yɛlimiya o tiliginsim lahibali suŋ yɛla dabisili kam.

³Molimiy’ o jilima yɛla zuliya kam sani, ka mol’ o ni tumd’ alahiziba tuun’ shɛŋa niriba zaa sunsuuni shɛm la gba yɛla.

⁴Dama Yawɛ galisiya pam, ka simdi paɣibu pam. Di simdi ni ti lur’ o sizuura gari wuna zaa.

⁵Dama zuliya kam zaa wuna nyɛla binnana, amaa Yawɛ n-nam zuɣusaa.

⁶Jilima mini nam yiko n-gil’ o; kpiɔŋ mini viɛlim be o biɛhigu shee.

⁷Dunia zuliya kam, paɣimiya Yawɛ. Zaŋmiya jilima ti Yawɛ ka wuhi ni o mali kpiɔŋ.

⁸Timiya Yawɛ yuli jilima din simd’ o, zaŋmiya pina ka o jɛmbu duu na!

⁹ Jɛmmiya Yawɛ ni jilima din be kasi; dunianim’ zaa lumiy’ o sizuura.

¹⁰Yɛlimiya zuliya kam zaa ni Yawɛ n-nyɛ naa! Dunia ŋɔ kpɛmmi ʒiɛya, ka kul ku vuui. O ni doli zaligu soli kari niriba saria.

¹¹Dunianim’ mini zuɣusaa binnamda, maliya suhupiɛlli; teeku mini binnɛma bɛn be di ni, yomiya vuri;

¹²mɔɣu ni mini binshɛɣukam din be di ni, maliya suhupiɛlli! Tihi din be nyɔŋ puuni zaa, yi gba yilimiya suhupiɛlli yila

¹³Yawɛ tooni, dama o kanna. O kanimina ni o ti kari dunianim’ saria. O mi yɛn zaŋla wuntitali mini yɛlimaŋli kari niriba saria.