Read Dagbani Sulemaana Yila 5 Bible Online

Sulemaana Yila 5 - Dagbani bible

Sulemaana Yila 5

¹N tizɔpaɣa ni n daamiliya n kpe m puu maa ni. N laɣim n tulaalɛnim’ mini mɛɛr. N di n shigbana shiri. N nyu n wain ni m bihim. Zɔrinima, dimiya ka nyu, n yurinima, nyumiya yurilim hal ti buɣi.

²N daa gbihimi, amaa ka n suhu lee ne. Wumma, n yura n-kpahiri n dunoli maa. N yura ni n tizɔpaɣa, yoomi ka n kpɛna. N ŋmani ŋun luɣ’ shɛli ka galimi. Maligim lumi mahigi n zuɣu, ka yuŋ paɣili kpe m-mahigi n zabiri.

³M pun pirigi n situra, n lan zaŋm’ li so yaha? M pun paɣi n naba, n lan niŋmi n-chɛ ka di daɣi?

⁴Ka n yura maa daa zaŋ o nuu daai dunoli, ka n suhu dii kpe o ni.

⁵Ka n daa yiɣisi ni n yoog’ o ka o gari. N ni daa zaŋ n nuu gbaai bɛ ni gbaari binshɛli yoori dunoli ni n yooi, n nuhi daa puɣila mɛɛr zim, ka n nubihi daa tɔɣiri mɛɛr kom.

⁶N daa yooi dunoli maa ti n yura maa, amaa ka o bi kpɛna ka ŋmaligi chaŋ. N ni daa kul wum o kukoli, ka n suhu kpe o ni. Ka n daa yina lihi bo o, amaa ka bi nya o. Ka n daa bol’ o, amaa ka o bi garigi.

⁷Ka tiŋguliba daa chani gindina ti nya ma n-gbaai ma bu ma ti ma dansi. Ka tiŋ’ maa gooni guliba daa darigi fuɣi n chinchin’ shɛli din gbini n nyiŋgoli ni.

⁸Jɛrusalɛm paɣiba, pomiya ni yi yi nya n yura maa, yi ni yɛl’ o ni n lula bole o zuɣu.

⁹Paɣiba ni paɣ’ viɛlli, a yura maa bela o ko ka chɛ shɛba? Bɔ ka a yura maa lee zaŋ gar’ o taba ka a ti yɛli ti lala?

¹⁰N yura maa viɛlimi pam ka mali yaa. Ninvuɣ’ tuhili puuni so bi ŋman’ o.

¹¹O zuɣu nyɛla salima alali. O zabikpila kul gahirimi, ka sabigi kaman kahiŋkɔɣu la.

¹²O nina ŋmanila ŋmana bɛn ʒe kɔzɔrim noli, ka nyɛ bɛ ni zaŋ bihim paɣi shɛba.

¹³O kparima ŋmanila tulaale tihi vuɣa din wandi tulaale din nyom viɛla. O naŋgbampiba ŋmanila paɣiviɛligakushihikom, ka mɛɛr kom be di ni.

¹⁴O bɔɣiri nyɛla salima, ka yɛri din viɛli dolibi pir’ o bɔɣiri maa. O niŋgbuna nyɛlisirimi kaman wɔbinyina mini safaya kuɣa la.

¹⁵O biɛhi ŋmanila alabasita daantalisi din tam salima binzahi zuɣu. O biɛhigu ŋmanila Lɛbanɔn sida ti’ gahinda.

¹⁶O yɛtɔɣa nyaɣisi pam, ka o biɛhigu zaa mali kɔre pam. Jɛrusalɛm paɣiba, n yura ni n zo maa ni be shɛm m-bala.