Read Dagbani Aizaia 10 Bible Online

Aizaia 10 - Dagbani bible

Aizaia 10

¹Mbusim be yi zuɣu. Yi zaani zaligu shɛŋa din bi tuhi ni yi nahim niriba.

²Yi mɔŋdi nandaamba yɛlimaŋli, ka fari yɛlimaŋli n niriba bɛn nyari nahiŋgu la sani, ka fari pakoya mini kpibisi nɛma.

³Yi tibidarigibo dali, wula ka yi lee ti yɛn niŋ, ka zaɣ’ biɛɣu ni ti yɛn yi katiŋ’ na ti paai ya dahin’ shɛli, wula ka yi lee ti yɛn niŋ? Ŋun’ sani ka yi lee ti yɛn zo n-chaŋ ti bo sɔŋsim bee luɣ’ dini ka yi lee ti yɛn zaŋ yi daazichi sɔŋ?

⁴Bɛ ni ti kun ya tɔbu ni, ka gbahi yi ni shɛba ti leei daba. Amaa di zaa yoli, Yawɛ suhuyiɣisili maa na ku zan’ tariga. O daa loya ni o darigi bɛ tibili.

⁵Inhii, n suhuyiɣisili fiɛbiga bela Asirianim’ nuu ni.

⁶N tim ba la ninvuɣ’ shɛb’ bɛn bi mi Naawuni, ka nyɛ bɛn chɛ ka n suhu yiɣisi pam sani. N tim ba mi ni bɛ ti di bɛ nɛma, ka du n-tam bɛ zuɣu n-no ba kaman soli zuɣu taŋkpaɣu la.

⁷Amaa dimbɔŋɔ pala o ni lo shɛm bee di pun bela o suhu ni, amaa o lola nia ni o saɣim ka kpihim zuliya pam birili.

⁸Dama o yɛliya, “N sapashinnim’ zaa nyɛla nanima.

⁹M pun nyaŋ Kalino mini Karikɛmish, ka nyaŋ Hamat mini Aripad, ka nyaŋ Samaria mini Damaskus.

¹⁰N ni darigi zuliya shɛb’ bɛn jɛmdi wuna, ka wuna maa nyɛ din galisi gari wuna din be Jɛrusalɛm mini Samaria la tibili.

¹¹M pun saɣim Samaria mini di wuna, ka ni saɣim Jɛrusalɛm mini di binnana din be di ni gba lala.”

¹²Ti Duuma yɛliya, “N yi naai n ni niŋdi shɛlikam Ziɔn Zoli zuɣu mini Jɛrusalɛm, n ni darigi Asiria naa tibili o karimbaani min’ o barinyubo zuɣu.”

¹³Dama o yɛliya, “Mmaŋmaŋ’ kpiɔŋ puuni ka n niŋ lala. M mali yɛm, ka mali baŋsim. N daai tiŋgbana tintarisi nahi taba, ka va bɛ nɛma. N niŋmi kaman naɣilaa la n-ʒe n-yiɣisi nanima bɛ nam ʒiishɛhi.

¹⁴Dunia niriba ŋmanila nooŋa tiɛɣu, ka n laɣim bɛ daazichi n-vaai li kaman nir’ ni vari gala shɛm la, ka so bi zaŋ o kpiŋkpaŋ’ gahi ma bee n-yaag’ o noli ni o chɛ n-kari ma.”

¹⁵Amaa lɛhu ni tooi wuhi ni di gari ŋun mal’ li tumdi tuma? Sua gari ŋun mal’ li ŋmari binyara? Jaaŋgbee bi kpuɣiri ninsal’ gbibi, amaa ninsala n-kpuɣiri jaaŋgbee gbibi.

¹⁶Dinzuɣu ti Duuma Yawɛ ŋun nyɛ Tɔbbihi Naa ŋɔ ni chɛ ka dɔro din nyuuri niriba lu bɛn di n-tiɣ’ la zuɣu. Buɣim ni ti taai bɛ jilima n di li zaa.

¹⁷Naawuni ŋun nyɛ Izraɛl neesim ni leei buɣim zilinli. Izraɛlnim’ Naawuni ŋun be kasi ŋɔ ni leei buɣim zilinli n-di o gɔhi mini suligunyinyari dahin yini.

¹⁸Tihi nyɔŋ mini tiŋgbani din mal’ atam, Yawɛ ni ti saɣim li, o ni ti saɣim niŋgbuŋ min’ o shia, ka di ni be kaman dɔr’ biɛɣu ni saɣindi ninsal’ niŋgbuŋ shɛm la.

¹⁹O tihi nyɔŋ maa ni tihi din kpalim ni nyɛla biɛla, hal ka bia ni tooi kal’ li.

²⁰Di saha, Izraɛlnim’ bɛn kpalim ka nyɛ Yaakubu zuliya la ti ku lan zaŋ bɛmaŋ’ dalim zuliya shɛb’ bɛn bahiri ba yol’ la, amaa bɛ ni ti zaŋ bɛmaŋ’ dalimla Yawɛ ŋun nyɛ Izraɛlnim’ Naawuni ŋun be kasi ŋɔ ka biɛhiŋ kani.

²¹Niriba biɛla bɛn kpalim ka nyɛ Yaakubu zuliya maa ni ti lab’ bɛ Naawuni ŋun nyɛ kpiɔŋlan’ ŋɔ sanna.

²²Hal a niriba Izraɛlnim’ ni kul galisi kaman teeku noli bihigu maa, kulla bɛ ni niriba biɛla kɔŋko n-ni ti labina. Bahiyoli din simdi ba kul ʒiɛmi guli ba.

²³ Dama Yawɛ ŋun nyɛ ti Duuma ni Tɔbbihi Naa ŋɔ ni chɛ ka di shiri niŋ kaman o ni zal’ li shɛm dunia ŋɔ zaa ni.

²⁴Dinzuɣu Yawɛ ŋun nyɛ ti Duuma ni Tɔbbihi Naa ŋɔ yɛliya: N niriba bɛn be Ziɔn, di zɔriya Asirianim’ dabiɛm saha shɛli bɛ yi ti zaŋ fiɛbisi fiɛbiri ya, ka kpuɣi jaaŋgbɛbihi fiɛbiri ya kaman Ijiptinim’ ni daa niŋ shɛm la.

²⁵Dama di ku lan yuui, ka n ni yɛn darigi yi tibili zali shɛm tariga paai, di nyaaŋa ka n chɛ ka n suhu yiɣisi bahi bɛ zuɣu m-bahi ba yoli.

²⁶Man’ Yawɛ ŋun nyɛ Tɔbbihi Naa ŋɔ ni zaŋ fiɛbiga fiɛb’ ba kaman n ni daa fiɛbi Midiannim’ Orɛb tampiŋ gbini shɛm la. N ni ti kpuɣi n fiɛbiga maa teeku kom puuni n-fiɛb’ ba kaman n ni daa niŋ Ijiptinim’ shɛm la.

²⁷Dindali maa Siria naa maa ʒi’ tibisa ti ku lan tam yi bɔɣusapima zuɣu; n ni ti kab’ o naɣikɔra dapuhi din be yi nyiŋgoya ni la.

²⁸O yila Rimmon n-kana Aiyat. O chaŋ ti kpe Migirɔn gari. O chɛ o nɛma sɔŋla Mikimash.

²⁹O pun baai du mɔɣili n-chaŋ ti gbe Gɛba; ka dabiɛm gbaai Ramanima; ka Sool ya Gibianim’ yi n-zo.

³⁰Gallimnima, tahimiya! Laishanima, Wummiya! Anatɔtnima, garigimiya!

³¹Madimɛnanim’ mini Gɛbimnim’ zɔrimi ni bɛ tiligi.

³²Zuŋɔ yi dim’ maa be Nɔb; o ni kpilim o nuu gahi Ziɔn Zoli din nyɛ Jɛrusalɛm zol’ la gbini.

³³Ti Duuma Yawɛ ŋun nyɛ Tɔbbihi Naa ŋɔ ni daai ba luhi kaman bɛ ni yi ŋma tia wula ka di lu shɛm la. O ni luhi karimbaannim’ mini wɔɣira bɛn be bɛ ni n-dihi ba vi.

³⁴ O ni ŋma ba luhi kaman bɛ ni zaŋdi kpaŋa ŋ-ŋmari tibɔŋ ni tihi luhiri shɛm la, ka di lu kaman Lɛbanɔn ti’ suma ni luri shɛm la.