Read Dagbani Aizaia 12 Bible Online

Aizaia 12 - Dagbani bible

Aizaia 12

¹Dahin shɛli kanna, ka niriba ni ti yɛra, “Yawɛ, ti paɣir’ a! A suhu daa yiɣisi bahi ti zuɣu, amaa pumpɔŋɔ a suhu maaya, ka a lan kpaŋsi ti.

² Yɛlimaŋli, Naawuni n-nyɛ n tiligira; n ni niŋ o naani, ka ku zo dabiɛm. Yawɛ ŋun nyɛ Naawuni ŋɔ n-nyɛ n yiliyiinili mini n kpiɔŋ. Ŋuna n-nyɛ n tiligira.

³Yi ni ti ŋɔŋ kom tiliginsim kɔbilisi puuni ni suhupiɛlli.”

⁴Dahin shɛli kanna, ka yi ni ti yɛli, “Paɣimiya Yawɛ! Kuhimiya bol’ o yuli ka o sɔŋ ya! Yɛlimiya zuliya kam zaa o ni tum tuun’ shɛŋa! Yɛlimiya ba ni o galisiya pam!

⁵Yilimiya yila paɣi Yawɛ o ni tum tuun’ kar’ shɛŋa zuɣu. Chɛliya ka dunia zaa baŋ di yɛla.

⁶Chɛliya ka ŋunkam zaa be Ziɔn duh’ o yee yili yila ni suhupiɛlli, dama Izraɛl Naawuni ŋun galisi, ka be kasi ŋɔ be o niriba sunsuuni.”