Read Dagbani Aizaia 15 Bible Online

Aizaia 15 - Dagbani bible

Aizaia 15

¹Naawuni ni yɛli Mɔabnim’ yɛtɔɣ’ shɛli m-bɔŋɔ: Ar zani dabari yuŋ zaɣ’ yini, ka Mɔabnim’ fo chichi. Kɛɛr zani dabari yuŋ zaɣ’ yini, ka Mɔabnim’ fo chichi.

²Dibɔnnim’ chaŋ ti du zoli zuɣu bɛ buɣa duu nti kumda; ka Mɔabnim’ kumdi Nɛbo mini Mɛdɛba zuɣu; ka sokam pini bɛ zuɣuri ni bɛ teensi.

³Ka niriba daa pili buri; ka shɛb’ du n-tam duri zuɣusaa, ka shɛb’ mi ʒe tiŋ’ puuni laɣiŋgu shee kumdi ka fabinda.

⁴Ka Hɛshibɔnnim’ mini Ɛlialɛnim’ daa kuhi pam, ka Jahaznim’ wum bɛ kuhigu maa, hal ka bɛ tɔbbihi ni sɔhira.

⁵N kumdila Mɔabnim’ zuɣu! Bɛ zo n-kuli Zɔa mini Ɛgilatishɛlishia. Dama shɛb’ lu soli kuni Luhit, ka kumdi chana; ka shɛb’ mi zo n-kuli Hɔrɔnaim ni suhugarigu pam.

⁶Nimrim kulibɔŋ nyuuya zaa, ka di duli mɔri kuui, ka momahili lan ka nimaani yaha.

⁷Dinzuɣu bɛ zaŋ bɛ nɛma pam n-zɔri ni bɛ du kulitihi kulibɔŋ tiligi.

⁸Ka bɛ daa ŋme kuŋ gili Mɔab tintarisi; ka fabila yɛtɔɣa daa tin ti to Ɛgilaimnim’ mini Bɛrilimnima.

⁹Ka Dibɔn Mɔɣili kom daa deei ʒim mɔhi, amaa di zaa yoli, n ni niŋ Dibɔnnim’ din bie n-gari lala. Iin, gbuɣinli ni doli Mɔab ninvuɣ’ shɛb’ bɛn kpalim, ka nyɛ bɛn zɔri ni bɛ tiligi la.