Read Dagbani Aizaia 4 Bible Online

Aizaia 4 - Dagbani bible

Aizaia 4

¹Dindali maa, paɣiba ayopɔin ni ti gbaai do’ yino n-yɛl’ o, “Saɣimi ni ti yidana n-nyɛ a, ka ti yi vi ni; amaa ti ni dihiri timaŋa, ka sooni timaŋa.”

²Dahin shɛli kanna, ka Yawɛ ni ti chɛ ka tiŋgbɔŋ ŋɔ ni tia kam wulli zooi ka viɛla. Izraɛlnim’ bɛn zaa tiligi ni ti nya ka tiŋgbɔŋ maa tiwala viɛla, ka nyu bara di zuɣu.

³Naawuni ni tiligi ninvuɣ’ shɛb’ zaa Ziɔn ka bɛ sabi bɛ yuya sɔŋ la, yɛlimaŋli, bɛn nyɛ bɛn kpalim be Jɛrusalɛm la, bɛ ni boli ba bɛn be kasi.

⁴Ti Duuma ni yihi Ziɔn paɣiba daɣiri ni, ka zaŋ saria karibu mini buɣim paɣi ʒim din yi n-do Jɛrusalɛm puuni la ka di yi.

⁵ Di saha Yawɛ ni ti chɛ ka sagbani sirigina wuntaŋ’ ni ti lim Ziɔn Zoli mini bɛnkam zaa laɣim nimaani, ka nyɛ nyɔhi ni buɣim niɛm din diri ne yuŋ. Yɛlimaŋli, Naawuni jilima din be nimaani ni ti nyɛla leeŋa.

⁶Di ni ti nyɛla leeŋa, ka nyɛ mahim din taɣiri ba tulim wuntaŋ’ ni ni sɔɣibu shee ni leeŋa din taɣiri ba pɔhim mini saa.