Read Dagbani Aizaia 56 Bible Online

Aizaia 56 - Dagbani bible

Aizaia 56

¹Yawɛ yɛliya, “Doli yɛlimaŋli soli ka tummi din tuhi, dama di ku yuui ka n tiligi ya.

²Ninvuɣ’ so ŋun niŋdi dimbɔŋɔ ka gbib’ li viɛnyɛliŋga ni nya alibarika. Ŋunkam gbibi Vuhim Dabisili viɛnyɛliŋga ka bi saɣim li, ka mi bi tumdi din bie ni nya alibarika.”

³Di bi simdi ni tinzun’ nir’ ŋun niŋ Yawɛ yɛda ti yɛli, “Yawɛ ku saɣi ka m pah’ o niriba ŋɔ ni.” Di mi bi simdi ni namɔɣili ti yɛli, “ Man’ nyɛla ti’ kuŋ.”

⁴Dama Yawɛ yɛliya, “Namɔɣili so ŋun gbibi n vuhim dabisa, ka niŋdi din tiɣiri n nini, ka gbibi n daalikauli,

⁵n ni niŋ binshɛli din ni teer’ o yɛla zali n jɛmbu duu ni n niriba sunsuuni, ka ti o yuli din gari bidibisi mini bipuɣinsi. N ni ti o yu’ shɛli din kul ni beni sahakam ka ku kpi.”

⁶Ka tinzunnim’ bɛn zaŋ bɛmaŋ’ tabili Yawɛ ni bɛ tumd’ o tuma, ka yur’ o, ka nyɛ o daba bɛn zaa gbibi Vuhim Dabisili ka bi saɣindi di zaligunima, ka gbibi n daalikauli viɛnyɛliŋga,

⁷ n ni zaŋ ba na ti niŋ n zoli din be kasi la zuɣu, ka ti ba suhupiɛlli n wunsuhigu duu, ka deei bɛ ni zaŋdi sara shɛli nyɔri buɣim la mini bɛ ni maani sara shɛŋa n sara maligu bimbini zuɣu la. Dama bɛ ni booni n jɛmbu duu la zuliya kam zaa wunsuhigu duu.

⁸Yawɛ ŋun nyɛ ti Duuma ŋɔ yɛliya, “Mani ŋun laɣim Izraɛlnim’ bɛn daa be yɔɣu la na ni laɣim zuliya shɛb’ na ti pahi bɛ zuɣu.”

⁹Yinim’ mɔɣu ni biŋkɔbiri bɛn zaa be nyɔŋ puuni, kamiyana ti gbahi di.

¹⁰Bɛn guli Izraɛlnim’ zaa nyɛla zoomba, bɛ ka baŋsim. Bɛ ŋmanila ba’ shɛb’ bɛn doya gbihiri ka bi wahira. Bɛ kul domi gbihiri ka zahindi zahima.

¹¹Bɛ ŋmanila ba’ shɛb’ bɛn nyɛ diribarilimnima ka bi diri tiɣiri la. Zuɣulaannim’ ŋɔ gba ka baŋsim. Bɛ zaa dolila bɛ suhuyubu soli, ka kul niŋdila din ni sɔŋ bɛmaŋmaŋ’ kɔŋko.

¹²Bɛ kul yɛrimi, “Kamiyana ka ti nyu wain; chɛliya ka ti nyu binnyuri kpɛma. Biɛɣuni sa ni be kaman zuŋɔ, hal di sa ni gari lala gba.”