Read Dagbani Aizaia 58 Bible Online

Aizaia 58 - Dagbani bible

Aizaia 58

¹Tahimi pam, ka di shini! Duhim’ a kukoli kaman kikaa kumsi la n-yɛli n niriba Izraɛlnima bɛ tipawumli mini bɛ daalahichi yɛla.

²Bɛ jɛmdi ma sahakam. Bɛ ŋmanila ninvuɣ’ shɛb’ bɛn tumdi din tuhi, ka nyɛ bɛn suhuri ye n soli baŋbu zuɣu; ka bi tam bɛ Naawuni zaligu yɛla. Bɛ bɔri ni bɛ baŋ n saria karibu soli din tuhi yɛla. Bɛ nyɛla bɛn bɔri ni Naawuni miri ba.

³Bɛ bɔhira, “Bɔ n-niŋ ka ti lɔri noli ka a bi nyara? Bee bɔ n-niŋ ka ti nahim timaŋa, ka a baɣa kani.” Nyama, yi ni lɔri noli dahin’ shɛli maa yi niŋdila din ni sɔŋ yimaŋa, ka nahindi yi tumtumdiba.

⁴Nyama, yi yi lo noli yi ŋmɛrila tab’ naŋgbankpeeni ka zabiri buri taba buri biɛɣu. Yi ni lɔri noli maa shɛm pumpɔŋɔ ŋɔ ku chɛ ka Naawuni deei yi suhigu.

⁵Yi yi ti lo noli n-nahim yimaŋa, lala nolɔbo ka n zali? Di nyɛla yi silim yi zuɣuri tiŋa kaman gbiŋgbama la, ka pili buri n-teei do tampiligim ni? Dina ka yi booni nolɔbo? Yi tɛhiya ni Yawɛ ni saɣi deei di dabisili maa?

⁶N ni bɔri nolɔbo shɛli n-nyɛ: Yi lɔrigi yi ni nahindi shɛb’ la mihi, ka suui yi ni mɔŋ shɛb’ yɛlimaŋli ka ʒili ba ʒi’ tibisa la ʒiya; ka bahi yi ni nahindi shɛb’ la.

⁷ Niŋmiya bindira tiri kum ni kuri shɛba, ka deemiya nandaamba bɛn ka kpɛhili shee niŋmi yi yinsi; ka timiya bɛn chani gbinfini situra; ka di zaɣisiya yi dɔɣiriba sɔŋbu.

⁸Di saha yi neesim ni neei kaman biɛkaali neesim la, ka yi nya alaafee yomyom, ka ŋun yɛn zabi yi zuɣu ni be yi tooni; ka Yawɛ jilima ni nyɛ yi gula m-be yi nyaaŋa polo.

⁹Di saha yi yi ti suh’ o, o ni deei yi suhigu, ka yi yi ti ŋme kuŋa m-bɔri sɔŋsim, o ni yɛli, “ M be kpe ni n sɔŋ ya.” Yi yi ni ti yi ni nahindi shɛb’ la vuhim, ka chɛ niriba ansarisi malibu ni yɛtɔɣ’ biɛri tɔɣisibu;

¹⁰ka tiri kum ni kuri shɛb’ bindira, ka tiri nandaamba bɛ ni kɔŋ shɛli, dindina yi neesim ni neei zibisim ni m-be kaman wuntaŋ’ zuɣusaa saha neesim la.

¹¹Ka man’ Yawɛ kul ni wuhiri ya soli sahakam, ka tiri ya binshɛŋa din simdi ya wuntaŋ’ tulim pam tiŋgbani ŋɔ ni, ka tin ya yaa; ka chɛ ka yi be kaman pu’ shɛli din puuni mali kom; ka lan chɛ ka yi be kaman kɔbil’ nini din kom bi ŋmaara.

¹²N ni chɛ ka yi lab’ me goon’ shɛli din daa lu n-dahim la zali. Yi ni me li tam di tanza’ kura zuɣu. Ka niriba ti wuhi ni yinima n-nyɛ bɛn lab’ me goma maa mini yiya shɛŋa din daa lu n-dahim la.

¹³Yi yi bi birigi Vuhim Dabisili dali zaligu, ka bi tumdi yi suhuyubu dindali maa, ka tiri li jilima, ka bi chani soya, ka bi tumdi tuma bee n-tɔɣisiri yɛtɔɣ’ yoya dindali maa,

¹⁴dindina yi ni nya suhupiɛlli man’ Yawɛ sani, ka n chɛ ka yi nya jilima dunia ŋɔ luɣ’ shɛlikam zaa; ka chɛ ka yi di n ni daa zaŋ tiŋgban’ shɛli ti yi yab’ Yaakubu la daanfaani. Man’ Yawɛ n-yɛli lala maa.