Read Dagbani Lɛvinima 2 Bible Online

Lɛvinima 2 - Dagbani bible

Lɛvinima 2

¹So yi yɛn zaŋ chi bee kawana na ti mali sara, ŋun’ zaŋm’ li niɛm zim, ka bo kpam mini firanki tulaale zim pahi di zuɣu

²n-zaŋ li ka Aduna bidibisi bɛn nyɛ maligumaaniba la sanna. Ka maligumaana ŋun yɛn mali sara maa tooi zim viɛlli maa mini kpam ni firanki tulaale zim maa zaa nukurigu pali n-zaŋ li nyo buɣim sara maligu bimbini zuɣu, ka di nyɛ bɛ ni zaŋdi sara shɛli nyɔri buɣim, ka di nyom viɛl’ Yawɛ sani.

³Ka zim shɛli din kpalim ni leei Aduna min’ o bidibisi dini, dama di nyɛla din be kasi bɛ ni zaŋ li nyo buɣim m-mali sara ti Yawɛ maa zuɣu.

⁴Ka so yi zaŋ chi bee kawana mali maha na ti mali sara, di simdi ka di nyɛla bɛ ni zaŋ kpam gari zim viɛl’ shɛli ni m-mal’ li, ka dabindi ka di ni bee karikaasi shɛli din ka dabindi ka nyɛ bɛ ni niŋ kpam niŋ shɛli ni.

⁵Ka sara maligu maa yi nyɛla bɛ ni zaŋ tahilaa chim shɛli, di simdi ka di nyɛla bɛ ni zaŋ kpam gari zim viɛl’ shɛli ni, ka dabindi ka di ni.

⁶Ka yi ti ŋmahiŋmahi li ka booi kpam niŋ di ni, dama di nyɛla biŋkuma sara maligu.

⁷Ka yi sara maligu maa yi nyɛla bɛ ni duɣi bindir’ shɛli tahilaa puuni, di simdi ka di nyɛla zim viɛlli, ka kpam be di ni,

⁸ka yi zaŋ li na ti ti Yawɛ. Yi yi zaŋ li ti ti maligumaana, o mi ni zaŋ li chaŋ sara maligu bimbini gbini.

⁹Ka maligumaana maa ni niŋ di shɛli nyo buɣim sara maligu bimbini maa zuɣu, ka di leei bɛ ni zaŋdi sara shɛli nyɔri buɣim ka di nyom viɛl’ Yawɛ sani la shihirili.

¹⁰Ka din kpalim leei Aduna min’ o bidibisi dini, dama di nyɛla din be kasi bɛ ni zaŋ binshɛŋa nyo buɣim mali sara ti Yawɛ maa puuni.

¹¹Miriya ka yi zaŋ dabindi gari chi bee kawana sara ti Yawɛ, dama di bi simdi ni yi zaŋ dabindi bee shiri nyo buɣim mali sara ti Yawɛ.

¹²Yi bindir’ daŋda dina, yi ni tooi zaŋ li na ti ti Yawɛ, amaa di bi simdi ka yi nyo li buɣim sara maligu bimbini zuɣu ni di leei din nyom viɛla.

¹³Di simdi ka yi niŋ yalim gari biŋkuma sara kam zaa ni, ka miriya ka yi ti chɛ ka yi mini Naawuni yalim alikauli la ti pooi yi sara maligu maa ni, dinzuɣu yi sara maligu kam ni di simdi ka yi chɛ ka yalim be di ni.

¹⁴Yi yi zaŋ kawaan’ daŋda bee ka’ daŋda na ni yi ti mali sara ti Yawɛ, yin’ zaŋmiya zaɣ’ maha n-chim li niɛm zim.

¹⁵Ka niŋya kpam mini firanki tulaale zim pa di zuɣu, di nyɛla biŋkuma sara maligu.

¹⁶Ka maligumaana maa ti niŋ binchimda zim maa shɛli mini kpam ni di firanki tulaale zim maa zaa nyo buɣim n-yihi di chihili. Di nyɛla bɛ ni zaŋ sara shɛli nyo buɣim ti Yawɛ.