Read Dagbani Ɛzɛkiɛl 2 Bible Online

Ɛzɛkiɛl 2 - Dagbani bible

Ɛzɛkiɛl 2

¹Ka o daa yɛli ma, “Daadam, yiɣisim zani a naba zuɣu ka n tɔɣis’ a yɛtɔɣa.”

²Ka o ni daa tɔɣisi ma yɛtɔɣa maa, ka shia daa kpe n ni n-yiɣisi ma zali n naba zuɣu, ka n daa wum ka o yɛri ma;

³o daa yɛli ma mi, “Daadam, n timd’ a la Izraɛlnim’ bɛn nyɛ duŋtaariba bɛn taai duŋ niŋ ma ŋɔ sani. Bɛ mini bɛ yaannim’ pun birigi n sani zaŋ na hal ni zuŋɔ dabisili ŋɔ.

⁴Bɛ zuliya maa nyɛla bɛn baɣa ka niriba ni ka lan nyɛ tipawumlinima, ka n timd’ a bɛ sani ni a ti yɛli ba, ‘Yawɛ ŋun nyɛ ti Duuma ŋɔ ni yɛli shɛm m-bɔŋɔ.’

⁵Bɛ yi wum bee bɛ yi zaɣisi li wumbu, bɛ ni baŋ ni anabi be bɛ sani. Dama bɛ nyɛla duŋtaariba.

⁶“Ka nyini daadam, di zɔri ba bee n-zɔri bɛ yɛtɔɣa dabiɛm. Hal di yi nyɛla suligunyinyari bee gɔhi gil’ a, ka a be nɔnsi sunsuuni, nyin’ di zɔri bɛ yɛtɔɣa bee n-chɛ ka a suhu zɔhira bɛ lihigu zuɣu. Dama bɛ nyɛla duŋtaariba.

⁷A ni ti zaŋ n yɛligu yɛli ba, bɛ yi ni wum li bee bɛ yi ni zaɣisi li wumbu, dama bɛ nyɛla duŋtaariba.

⁸Amaa nyini daadam, wummi n ni yɛl’ a shɛm maa, ka miri ka a niŋ duŋtaara kaman duŋtaariba maa. Yaam’ a noli n-di n ni zaŋ binshɛli tir’ a ŋɔ.”

⁹ Ka n daa lihi nya ka nuu teei tiri ma na, ka bɛ ni sabi gbaŋ shɛli kpabikpabi be di ni.

¹⁰Ka o daa kpabigi li n tooni, di daa sabila di tooni mini di nyaaŋa zaa. Ka sabbu din daa be di ni daa nyɛla fabila mini kuyila ni mbusim.