Read Dagbani Jona 2 Bible Online

Jona 2 - Dagbani bible

Jona 2

¹Jona ni daa be ziŋ’ karili maa puuni saha shɛli maa, ka o daa suhi Yawɛ ŋun nyɛ o Naawuni maa yɛli,

²“N nandahima puuni, n daa kuhi boli Yawɛ, ka o garigi ma. N daa bela kpiimba biɛhigu shee din zilim pam la ka kuhi bol’ a, ka a wum n kuhigu maa.

³Nyini n-zaŋ ma bahi kɔbulli ŋɔ ni, ka m mali hal ti paai teeku ŋɔ puuni kɔtiŋa. Ka kokpɛɣu kul gili n luɣilikam, ka a kɔgban’ kara la zaa zɔri duri ma garita.

⁴Ka n tɛhi ni a yihi ma la a sani bahi, ka n ku lan nya a jɛmbu du’ kasi la.

⁵Ka kom gili ma niŋ sunsuuni ka teeku maa kom kul lim’ ma zaa. Ka teeku kɔtiŋ’ mɔri vilivili n zuɣu.

⁶Ka n chaŋ hal ti paai teeku maa puuni zolɔna ni m-mal hal ti paai luɣ’ shɛli din dunoya nyɛ din yo n-kpari ʒiɛya hal ni saha din ka bahigu. Amaa, yaa Yawɛ ŋun nyɛ n Naawuni ŋɔ, ka a yihi ma bɔɣ’ zilinli maa ni na ni nyɛvili.

⁷Yawɛ, n ni daa zahim nya ka di be kaman n yɛn kɔŋ la n nyɛvili maa, ka n daa teeg’ a yɛla ka suh’ a, ka a be a jɛmbu du’ kasi la ni ka wum n suhigu.

⁸Ninvuɣ’ shɛb’ bɛn jɛmdi wuna din ka bukaata la zaŋ bɛ ʒiɛyimtali biɛhigu zaŋ chaŋ a sani bahi.

⁹Amaa man’ ni yili wumpaɣibo yila paɣ’ a, ka mali sara jɛm’ a; ka pali n ni lo alikauli shɛli a sani. Tiliginsim yirila nyin’ Yawɛ sanna!”

¹⁰Ka Yawɛ daa yɛli ziŋ’ maa ni o gbuɣimi Jona bahi, ka o daa zaŋ o ti gbuɣi bahi duli.