Read Dagbani Jona 3 Bible Online

Jona 3 - Dagbani bible

Jona 3

¹Ka Yawɛ daa lan zaŋ o yɛligu yɛli Jona pahi buyi.

²O daa lan yɛl’ o mi, “Yiɣisim’ chaŋ Ninive din nyɛ tin’ tital’ la ni ti zaŋ n ni zaŋ n yɛligu shɛli ti a la yɛli ba.”

³Ka Jona daa deei Yawɛ noli, ka yiɣisi chaŋ Ninive. Ninive daa nyɛla tin’ titali. Daba ata ka nir’ daa naan zaŋ chaŋ kpe di ni gari.

⁴Jona ni daa piligi chani gindi tiŋ’ maa, o daa chanimi ka kuhiri yɛra, “Di kpalim biɛɣ’ pihinahi ka Naawuni chɛ ka Ninive lɛb’ pili. Lala ka o daa kul niŋdi hal ti paai dahin yini chandi tariga.”

⁵ Dinzuɣu ka Ninivenim’ daa niŋ Naawuni yɛligu yɛda ka yɛli ni sokam lom’ noli, ka wɔɣira zaŋ tabili tarimba zaa daa so buri.

⁶Ka di lahibali daa ti nti to Ninive naa, ka o yiɣis’ o nam ʒiishee m-pirig’ o nam binyɛrigu sɔŋ, ka zaŋ buɣu pili n-teei ʒini tampiligim mahili ni wuhi bɛ suhusaɣiŋgu ni nyɛ shɛm.

⁷Ka naa maa daa chɛ ka bɛ moli molo gili Ninive zaa yɛli, “Naa min’ o kpambaliba ni zali zaligu shɛli m-bɔŋɔ: Di chɛliya ka ninsalinim’ bee niɣi ni piɛri ni buhi zaa di binshɛli bee n-nyu kom.

⁸Ka chɛ ka ninsalinim’ mini biŋkɔbiri zaa so buri; ka sokam zaa duh’ o yee suhi Naawuni viɛnyɛliŋga; ka ŋmaligi ka chɛ o tuumbiɛri soya mini tuumbiɛ’ shɛŋa o nuhi ni tumda.

⁹Di pa shɛli ti yi niŋ lala, Naawuni ni taɣ’ o tɛha zaŋ chaŋ o ni lo ni o niŋ shɛm maa polo; ka ku o suhuyiɣisili maa; ka chɛ ka ti tiligi ka ku kpi.”

¹⁰Ka Naawuni daa nya bɛ ni niŋ shɛm maa, ka lan nya bɛ ni ŋmaligi ka chɛ bɛ tuumbiɛri soya maa, ka o taɣ’ o tɛha zaŋ chaŋ o ni daa lo ni o ni niŋ shɛm maa polo, ka daa shiri bi niŋ li.