Read Dagbani Kalinlinima 33 Bible Online

Kalinlinima 33 - Dagbani bible

Kalinlinima 33

¹Musa mini Aduna ni daa gari tooni zaŋ Izraɛlnima ka bɛ yi Ijipti tiŋgbɔŋ ni chani kaman tɔbbihi la shɛm m-bɔŋɔ.

²Musa daa sabi bɛ ni daa piligiri chandi luɣ’ shɛŋa maa yiniyini yuya sɔŋ kaman Yawɛ ni daa zal’ o shɛm. Bɛ ni daa piligiri chandi luɣ’ shɛŋa maa yiniyini ni daa nyɛ shɛm m-bɔŋɔ:

³Gol’ so ŋun daŋ tooni biɛɣ’ pinaanu dali din daa nyɛ Yaɣigari chuɣu puhi kaai biɛɣu dal’ la, ka Izraɛlnim’ daa yi Ramɛsis n-chani nasara dibu chandi Ijiptinim’ zaa ninni.

⁴Di saha Ijiptinim’ daa sɔɣirila bɛ bikpamba shɛb’ zaa Yawɛ ni daa ku la. Yawɛ daa bi chɛ bɛ buɣa gba.

⁵Ka Izraɛlnim’ daa ti yi Ramɛsis maa n-chaŋ ti dɔni Sukɔt.

⁶Ka bɛ daa ti yi Sukɔt maa n-chaŋ ti dɔni Itam din miri tiŋgban’ nɛl’ la.

⁷Ka bɛ daa ti yi Itam maa ŋ-ŋmaligi labi Pihahirɔt din be Baalizɛfɔn wulimpuhili polo la nti dɔni miri Migidol.

⁸Ka bɛ daa ti yi Pihahirɔt n-chaŋ ti tim teeku sunsuuni gari kpe tiŋgban’ nɛl’ la ni n-daa chaŋ daba ata chandi Itam tiŋgban’ nɛli ni n-chaŋ ti dɔni Mara.

⁹Ka bɛ daa ti yi Mara n-chaŋ Ɛlim. Kɔbilisi pinaayi mini abie tihi pisopɔin n-daa be Ɛlim maa, ka bɛ daa dɔni nimaani.

¹⁰Ka bɛ daa ti yi Ɛlim maa n-chaŋ ti dɔni miri Teeku Ʒiɛɣu.

¹¹Bɛ ni daa ti yi Teeku Ʒiɛɣu maa shee, bɛ daa chaŋ ti dɔnila Sin tiŋgban’ nɛl’ ni.

¹²Ka bɛ daa ti yi Sin tiŋgban’ nɛli maa ni n-chaŋ ti dɔni Dofika.

¹³Ka bɛ daa ti yi Dofika maa n-chaŋ ti dɔni Alushi.

¹⁴Ka bɛ daa ti yi Alushi maa n-chaŋ ti dɔni Rɛfidim, ka kom daa ka nimaani ka niriba maa ni nyu.

¹⁵Bɛ ni daa ti yi Rɛfidim maa, bɛ daa chaŋ ti dɔnila Sinai tiŋgban’ nɛl’ ni.

¹⁶Ka bɛ daa ti yi Sinai tiŋgban’ nɛl’ maa ni n-chaŋ ti dɔni Kiburɔtihataava.

¹⁷Bɛ ni daa ti yi Kiburɔtihataava maa, bɛ daa chaŋ ti dɔnila Hazɛrɔt.

¹⁸Ka bɛ daa ti yi Hazɛrɔt maa chaŋ ti dɔni Ritima.

¹⁹Bɛ ni daa ti yi Ritima maa, bɛ daa chaŋ ti dɔnila Rimɔnpɛrɛz.

²⁰Ka bɛ daa ti yi Rimɔnpɛrɛz maa n-chaŋ ti dɔni Libina.

²¹Bɛ ni daa ti yi Libina maa, bɛ daa chaŋ ti dɔnila Risa.

²²Bɛ ni daa ti yi Risa maa, bɛ daa chaŋ ti dɔnila Kɛhɛlata.

²³Bɛ ni daa ti yi Kɛhɛlata maa, bɛ daa chaŋ ti dɔnila Shɛfa Zoli gbini.

²⁴Bɛ ni daa ti yi Shɛfa Zoli maa gbini, bɛ daa chaŋ ti dɔnila Harada.

²⁵Bɛ ni daa ti yi Harada maa, bɛ daa chaŋ ti dɔnila Makihilɔt.

²⁶Bɛ ni daa ti yi Makihilɔt maa bɛ daa chaŋ ti dɔnila Tahat.

²⁷Bɛ ni daa ti yi Tahat maa, bɛ daa chaŋ ti dɔnila Tɛra.

²⁸Bɛ ni daa ti yi Tɛra maa, bɛ daa chaŋ ti dɔnila Mitika.

²⁹Bɛ ni daa ti yi Mitika maa, bɛ daa chaŋ ti dɔnila Hashimɔna.

³⁰Bɛ ni daa ti yi Hashimɔna maa, bɛ daa chaŋ ti dɔnila Mɔsɛrɔt.

³¹Bɛ ni daa ti yi Mɔsɛrɔt maa, bɛ daa chaŋ ti dɔnila Bɛnijaakan.

³²Bɛ ni daa ti yi Bɛnijaakan maa, bɛ daa chaŋ ti dɔnila Hɔrihagidigad.

³³Bɛ ni daa ti yi Hɔrihagidigad maa, bɛ daa chaŋ ti dɔnila Jɔtibata.

³⁴Bɛ ni daa ti yi Jotibata maa, bɛ daa chaŋ ti dɔnila Abirɔna.

³⁵Bɛ ni daa ti yi Abirɔna maa, bɛ daa chaŋ ti dɔnila Ɛziɔngɛba.

³⁶Bɛ ni daa ti yi Ɛziɔngɛba maa, bɛ daa chaŋ ti dɔnila Zin mɔɣu ni (Kadɛshi m-bala).

³⁷Bɛ ni daa ti yi Kadɛshi maa, bɛ daa chaŋ ti dɔnila Hɔr Zoli gbini din miri Ɛdom tiŋgbɔŋ tintariga la shee.

³⁸ Ka maligumaana Aduna daa du Hɔr Zoli maa zuɣu nti kpi nimaani kaman Yawɛ ni daa zal’ o shɛm. Izraɛlnim’ ni daa yi Ijipti na nyaaŋa zaŋ chaŋ yuun’ pihinahi puuni gol’ so ŋun pahir’ anu dahin yini dali n-daa bala.

³⁹Aduna yuma daa nyɛla yuun’ kɔbiga ni pisinaata saha shɛl’ o ni daa kpi Hɔr Zoli zuɣu maa.

⁴⁰ Ka Keenannim’ Naa Arad ŋun daa be Nɛgɛb din be Keenan tiŋgbɔŋ ni la daa wum Izraɛlnim’ kandina damli.

⁴¹Ka bɛ daa ti yi Hɔr Zoli maa zuɣu n-chaŋ ti dɔni Zalimɔna.

⁴²Bɛ ni daa ti yi Zalimɔna maa, bɛ daa chaŋ ti dɔnila Punɔn.

⁴³Ka bɛ daa ti yi Punɔn maa n-chaŋ ti dɔni Obɔt.

⁴⁴Bɛ ni daa ti yi Obɔt maa, bɛ daa chaŋ ti dɔnila Abarim din daa be Mɔab tintariga la.

⁴⁵Ka bɛ daa ti yi Iyim n-chaŋ ti dɔni Dibɔngaad.

⁴⁶Bɛ ni daa ti yi Dibɔngaad maa, bɛ daa chaŋ ti dɔnila Alimɔndibilataim.

⁴⁷Ka bɛ daa ti yi Alimɔndibilataim maa n-chaŋ ti dɔni Abarim zoya ni miri Nɛbo.

⁴⁸Bɛ ni daa ti yi Abarim zoya maa ni, bɛ daa chaŋ ti dɔnila Mɔab bɔpiɛligu ni miri Jɔɔdɛn Mɔɣili Jɛriko polo la.

⁴⁹Bɛ daa dɔni mirila Jɔɔdɛn Mɔɣili, Bɛtijɛshimɔt zaŋ hal ni Ɛbɛlishitim din be Mɔab bɔpiɛligu ni la.

⁵⁰Ka Yawɛ daa yɛli Musa Mɔab bɔpiɛligu din daa miri Jɔɔdɛn Mɔɣili Jɛriko maa:

⁵¹Yɛlim’ Izraɛlnima, “Yi yi gbaai Jɔɔdɛn Mɔɣili ŋɔ du m-paai Keenan tiŋgbɔŋ maa ni,

⁵²yin’ karimiya ninvuɣ’ shɛb’ bɛn be tiŋgbɔŋ maa ni zaa, ka saɣim bɛ ni zaŋ kuɣa mini kuriti mali wun’ shɛŋa zaa, ka wurim bɛ ni jɛmdi buɣa luɣ’ shɛŋa zaa.

⁵³Deemiya tiŋgbɔŋ maa n-ʒin’ di ni, dama mani n-zaŋ li tin ya ni yi su li.

⁵⁴ Pihimiya kuɣa sɔŋ lihi nya, ka piri tiŋgbɔŋ maa ti taba kaman yi daŋ kam ni nyɛ shɛm. Timiya daŋ shɛli din niriba zooi tiŋgbani din galisi, ka ti daŋ shɛli bɛn bi zooi mi tiŋgbani din bi galisi. So kuɣili yi gbaai tiŋgban’ shɛli, o tarili n-yɛn bala. Pirimiya li ti taba kaman yi yaannim’ daŋ kam ni nyɛ shɛm.

⁵⁵Amaa yi yi bi kari ninvuɣ’ shɛb’ bɛn be tiŋgbɔŋ maa ni zaa, bɛ ni shɛb’ bɛn yɛn kpalim beni ni bemi kaman dachɔhira la yi nina ni, ka be kaman gɔhi n-kuhiri yi luɣa ni, ka ni muɣisi ya pam yi ni yɛn be tiŋgbɔn shɛli ni maa.

⁵⁶Ka n ni niŋ ya kaman n ni lo ni n niŋ ba shɛm.”