Read Dagbani Kalinlinima 7 Bible Online

Kalinlinima 7 - Dagbani bible

Kalinlinima 7

¹Musa ni daa ti Yawɛ jɛmbu suɣili la naai dahin’ shɛli, o daa boola kpam bahi di zuɣu m-mali di mini binshɛɣukam din be di ni zaa ka di be kasi, ka lan booi kpam bahi sara maligu bimbini mini di nɛma zaa zuɣu m-mali di gba ka di be kasi.

²Ka Izraɛl zuɣulaannim’ bɛn nyɛ bɛ yaannim’ dunoya ni dɔɣirikpamba mini bɛ ni daa kali zuliya shɛb’ la zuɣulaannim’ daa mali sara.

³Bɛ daa zaŋla Tɔrokɔnima ayɔbu mini naɣilahi pinaayi din daa nyɛ bɛ sara na nti sɔŋ Yawɛ tooni. Zuɣulaannim’ ayi kam daa laɣim sula tɔroko’ yini, ka bɛ ninvuɣ’ yino kam su naɣila’ yino. Ka bɛ daa zaŋ ba mali sara Yawɛ jɛmbu suɣili tooni.

⁴Di saha ka Yawɛ daa yɛli Musa,

⁵“Deem’ pina maa bɛ sani n-zaŋ ba ti Lɛvinima kaman sokam tuma ni nyɛ shɛm, ka bɛ zaŋ ba tum suɣili maa ni tuma.”

⁶Dinzuɣu ka Musa daa deei tɔrokɔnim’ maa mini naɣilahi maa n-zaŋ ba ti Lɛvinim’ maa.

⁷O daa zaŋla tɔrokɔnim’ ayi mini naɣilah’ anahi ti Gɛrishɔn bihi kaman bɛ tuma ni nyɛ shɛm;

⁸ka daa zaŋ tɔrokɔnim’ anahi mini naɣilah’ anii ti Mɛrari bihi kaman bɛ tuma ni nyɛ shɛm, ka maligumaana Aduna bia Itama nyɛ bɛ tuma zuɣulana.

⁹Amaa bɛ daa bi ti Kɔhat bihi la shɛli, dama bɛna n-daa su ni bɛ zaŋ neen’ shɛŋa din be kasi la buɣi bɛ bɔɣusapima zuɣu.

¹⁰Ka zuɣulaannim’ maa daa lan zaŋ bɛ pina ka sara maligu bimbini gbinna bɛ ni daa zaŋ sara maligu bimbini maa ti Naawuni ka booi kpam bahi di zuɣu saha shɛl’ la.

¹¹Ka Yawɛ daa yɛli Musa, “Zuɣulaan’ yino kam zaŋm’ o pina na ti malimi sara dahin yini kam, sara maligu bimbini maa zaŋ ti Naawuni la zuɣu.”

¹²Aminadab ŋun daa nyɛ Juda zuliya ni nir’ la bia Nashɔn n-daa zaŋ o sara na ti mali dabisili din daŋ tooni dali.

¹³O sara daa nyɛla anzinfa parante yini din tibisim nyɛ kilɔgiram yini ni pirigili mini anzinfa tahili zaɣ’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Ka bɛ daa zaŋ kpam ŋmiri zim viɛlli m-pali bina ayi maa ni bɛ zaŋ mali chi sara.

¹⁴O daa lan bo salima laa din tibisim nyɛ giram kɔbiga ni pia, ka tulaale zim pal’ li.

¹⁵O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

¹⁶O daa lan bo bula’ yino so bɛ ni daa zaŋdi maani alahichi sanyoo sara la

¹⁷ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni daa zaŋdi maani biɛrisuŋ sara la. Aminadab bia Nashɔn sara n-daa bala.

¹⁸Dabisili din pah’ ayi dali, Zua bia Nɛtanɛl ŋun daa nyɛ Isaka zuliya zuɣulan’ la n-daa mali sara.

¹⁹O ni daa zaŋ shɛli mal’ o sara maa daa nyɛla anzinfa parante yini din tibisim nyɛ kilɔgiram yini ni biɛla mini anzinfa tahi’ yini din tibisim nyɛ giram kɔbisinii, kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

²⁰O daa lan bo salima laa din tibisim nyɛ giram kɔbiga ni pia, ka tulaale zim pal’ li.

²¹O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

²²O daa lan bo bula’ yino so bɛ ni daa zaŋdi maani alahichi sanyoo sara la

²³ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu m-mali biɛrisuŋ sara. Zua bia Nɛtanɛl sara n-daa bala.

²⁴Dabisili din pah’ ata dali, Hɛlɔn bia Ɛliab ŋun daa nyɛ Zɛbulɔn zuliya zuɣulan’ la n-daa mali sara.

²⁵O sara daa nyɛla anzinfa parante yini din tibisim nyɛ kilɔgiram yini ni biɛla mini anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

²⁶O daa lan bo salima laa din tibisim nyɛ giram kɔbiga ni pia, ka tulaale zim pal’ li.

²⁷O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

²⁸O daa lan bo bula’ yino so bɛ ni zaŋdi maani alahichi sanyoo sara la

²⁹ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu m-mali suhudoo sara. Hɛlɔn bia Ɛliab sara n-daa bala.

³⁰Dabisili din pah’ anahi dali, Shɛdiu bia Ɛlizu ŋun daa nyɛ Rubin zuliya zuɣulan’ la n-daa mali sara.

³¹O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

³²O daa lan bo salima laa din tibisim nyɛ giram kɔbiga ni pia, ka tulaale zim pal’ li.

³³O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

³⁴O daa lan bo bula’ yino so bɛ ni zaŋdi maani alahichi sanyoo sara la

³⁵ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara la. Shɛdiu bia Ɛlizu sara n-daa bala.

³⁶Dabisili din pah’ anu dali, Zurishadai bia Shɛlumiɛl ŋun daa nyɛ Simiɔn zuliya zuɣulan’ la n-daa mali sara.

³⁷O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

³⁸O daa lan bo salima laa din tibisim nyɛ giram kɔbiga ni pia, ka tulaale zim pal’ li.

³⁹O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

⁴⁰O daa lan bo bula’ yino so bɛ ni zaŋdi maani alahichi sanyoo sara la

⁴¹ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara la. Zurishadai bia Shɛlumiɛl sara n-daa bala.

⁴²Dabisili din pah’ ayɔbu dali, Diuɛl bia Ɛliasaf ŋun daa nyɛ Gaad zuliya zuɣulan’ la n-daa mali sara.

⁴³O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

⁴⁴O daa lan bo salima laa din tibisim nyɛ giram kɔbiga ni pia, ka tulaale zim pal’ li.

⁴⁵O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

⁴⁶O daa lan bo bula’ yino so bɛ ni zaŋdi maani alahichi sanyoo sara la

⁴⁷ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara. Diuɛl bia Ɛliasaf sara n-daa bala.

⁴⁸Dabisili din pah’ ayopɔin dali, Ammihud bia Ɛlishama ŋun daa nyɛ Ifriim zuliya zuɣulan’ la n-daa mali sara.

⁴⁹O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

⁵⁰O daa lan bo salima laa din tibisim nyɛ giram kɔbiga ni pia, ka tulaale zim pal’ li.

⁵¹O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

⁵²O daa lan bo bula’ yino so bɛ ni zaŋdi maani alahichi sanyoo sara la

⁵³ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara la. Ammihud bia Ɛlishama sara n-daa bala.

⁵⁴Dabisili din pah’ anii dali Pɛdazu bia Gamaliɛl ŋun daa nyɛ Manaasa zuliya zuɣulan’ la n-daa mali sara.

⁵⁵O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

⁵⁶O daa lan bo salima laa din tibisim nyɛ giram kɔbiga ni pia, ka tulaale zim pal’ li.

⁵⁷O daa lan bo naɣilabil’ yino mini piɛla’ yino ni yuun’ yini piɛlabil’ yino mali bɛ ni zaŋdi sara shɛli nyɔri buɣim la.

⁵⁸O daa lan bo bula’ yino so bɛ ni zaŋdi maani alahichi sanyoo sara la

⁵⁹ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara la. Pɛdazu bia Gamaliɛl sara n-daa bala.

⁶⁰Dabisili din pah’ awɛi dali, Gidiɔni bia Abidan ŋun daa nyɛ Bɛnjamin zuliya zuɣulan’ la n-daa mali sara.

⁶¹O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

⁶²O daa lan bo salima laa din tibisim nyɛ giram kɔbiga ni pia, ka tulaale zim pal’ li.

⁶³O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

⁶⁴O daa lan bo bula’ yino so bɛ ni zaŋdi maani alahichi sanyoo sara la

⁶⁵ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara la. Gidiɔni bia Abidan sara n-daa bala.

⁶⁶Dabisili din pahi pia dali, Ammishadai bia Ahiɛza ŋun daa nyɛ Dan zuliya zuɣulan’ la n-daa mali sara.

⁶⁷O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

⁶⁸O daa lan bo salima laa din tibisim nyɛ giram kɔbiga ni pia, ka tulaale zim pal’ li.

⁶⁹O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

⁷⁰O daa lan bo bula’ yino so bɛ ni zaŋdi maani alahichi sanyoo sara la

⁷¹ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara la. Ammishadai bia Ahiɛza sara n-daa bala.

⁷²Dabisili din pahi piniyini dali, Okiran bia Pagiɛl ŋun daa nyɛ Asha zuliya zuɣulan’ la n-daa mali sara.

⁷³O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ mali chi sara daa palila bina ayi maa.

⁷⁴O daa lan bo salima laa din tibisim nyɛ giram kɔbiga ni pia, ka tulaale zim pal’ li.

⁷⁵O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

⁷⁶O daa lan bo bula’ yino so bɛ ni zaŋdi maani alahichi sanyoo sara la

⁷⁷ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara la. Okiran bia Pagiɛl sara n-daa bala.

⁷⁸Dabisili din pahi pinaayi dali, Inan bia Ahira ŋun daa nyɛ Naftali zuliya zuɣulan’ la n-daa mali sara.

⁷⁹O sara daa nyɛla anzinfa parante yini din tibisim nyɛ kilɔgiram yini ni biɛla ni anzinfa tahi’ yini din tibisim nyɛ giram kɔbisinii kaman Naawuni jɛmbu duu liɣiri tibisim zahimbu ni nyɛ shɛm. Bɛ ni daa niŋ kpam ŋmiri zim viɛl’ shɛli ni bɛ zaŋ mali chi sara daa palila bina ayi maa.

⁸⁰O daa lan bo salima laa din tibisim nyɛ giram kɔbiga ni pia, ka tulaale zim pal’ li.

⁸¹O daa lan bo naɣilabil’ yino mini piɛla’ yino ni yuun’ yini piɛlabil’ yino mali sara shɛli bɛ ni zaŋdi nyɔri buɣim la.

⁸²O daa lan bo bula’ yino so bɛ ni zaŋdi maani alahichi sanyoo sara la

⁸³ni naɣilah’ ayi mini piɛlah’ anu ni bulah’ anu ni yuun’ yini piɛlabih’ anu shɛb’ bɛ ni zaŋdi maani biɛrisuŋ sara la. Inan bia Ahira sara n-daa bala.

⁸⁴Bɛ ni daa booi kpam bahi sara maligu bimbini maa zuɣu ka zaŋ li ti Naawuni saha shɛli, ka Izraɛl zuɣulaannim’ zaŋ binshɛŋa mali sara maa n-daa nyɛ; anzinfa parantɛnim’ pinaayi mini anzinfa taha pinaayi ni salima lahi pinaayi.

⁸⁵Anzinfa parante yini kam tibisim daa nyɛla kilɔgiram yini ni biɛla, ka tahi’ yini kam tibisim daa nyɛ giram kɔbisinii. Ka anzinfa binyara maa zaa tibisim daa nyɛla kilɔgiram pisinaayopɔin ni biɛla kaman Naawuni jɛmbu duu liɣiri tibisim zahimbu ni nyɛ shɛm.

⁸⁶Ka tulaale zim ni daa pali salima lahi pinaayi shɛŋa la zaɣ’ yini kam tibisim nyɛ giram kɔbiga ni pia kaman Naawuni jɛmbu duu liɣiri tibisim zahimbu ni nyɛ shɛm. Ka salima lahi maa zaa tibisim nyɛ kaman kilɔgiram yini ni giram pihitanaayi.

⁸⁷Biŋkɔb’ shɛb’ zaa bɛ ni daa zaŋ mali sara shɛli bɛ ni zaŋdi nyɔri buɣim la daa nyɛla naɣilahi pinaayi mini piɛlahi pinaayi ni yuun’ yini piɛlabihi pinaayi m-pahi bɛ chi sara zuɣu ni bulahi pinaayi shɛb’ bɛ ni daa zaŋdi maani alahichi sanyoo sara la.

⁸⁸Biŋkɔb’ shɛb’ zaa bɛ ni daa zaŋ mali suhudoo sara la daa nyɛla naɣilahi pisinaanahi mini piɛlahi pihiyɔbu ni bulahi pihiyɔbu ni yuun’ yini piɛlabihi pihiyɔbu. Bɛ ni daa booi kpam bahi sara maligu bimbini maa zuɣu ka zaŋ li ti Naawuni maa nyaaŋa, ka bɛ daa maan di sara shɛli m-bala.

⁸⁹Saha shɛli Musa ni daa kpe Yawɛ chirigibu shee suɣili maa ni ni o mini Yawɛ ti tɔɣisi yɛtɔɣa la, ka o daa wum kukol’ shɛli Alikauli Adaka yɔrigu la zuɣusaa chɛrubinim’ ayi la sunsuuni ka di tɔɣisir’ o yɛtɔɣa.