Read Dagbani Maika 6 Bible Online

Maika 6 - Dagbani bible

Maika 6

¹Wummiya Yawɛ ni yɛli shɛm: “Yiɣisimiya n-zaŋ yi yɛla maa fabili niŋ zoya, ka chɛ ka daboya wum yi kukoya.

²Yinim’ zoya mini dunia ŋɔ tanza’ kurisi la, wummiya Yawɛ yɛtɔɣa ŋɔ, dama Yawɛ min’ o niriba mali yɛtɔɣa; o mini Izraɛlnima m-mali yɛtɔɣa.

³“Mbaye n niriba, bɔ ka n lee niŋ ya? Bimbɔ ka n zaŋ muɣisi ya? Garigimiya ma!

⁴ Dama mani n-daa yihi ya Ijipti tiŋgbɔŋ ni na, ka fan ya dabitim bandi ni bahi, ka daa chɛ ka Musa mini Aduna ni Miriam nyɛ yi toondaannima.

⁵ Mbaye n niriba, pumpɔŋɔ teemiya Mɔab Naa Balak ni daa lo shɛm la yɛla, ka teei Bɛɔr bia Balaam ni daa garigi yɛl’ o shɛm la yɛla. Lan teemiya yi ni daa yi Shitim chani Giligal ka binshɛŋa niŋ ni di chɛ ka yi baŋ Yawɛ tiliginsim tuma yɛla la.”

⁶Bimbɔ ka n lee yɛn zaŋ ka Yawɛ ŋun’ nyɛ Naawuni ŋun be zuɣusaa ŋɔ tooni na ti gbani? N zaŋmi yuun’ yini naɣ’ bihi ka o tooni na nti mali bɛ ni zaŋdi sara shɛli nyɔri buɣim la?

⁷Yawɛ nini ni tiɣi piɛlahi tusa shɛm mini kpam pam din be kaman mɔɣa tuhi’ pia kom la? N zaŋmi mmaŋmaŋ’ bituuli ŋun nyɛ n niŋgbuŋ nyɔri n-yo m biriginsim mini n daalahichi samli?

⁸O pun yɛli nyin’ daadam binshɛli din viɛla. Ka bɔ ka Yawɛ lee bɔri ni a niŋ? O bɔri ni a doli din tuhi, ka yuri nirilim niŋbu, ka jɛmd’ a Naawuni ni siɣisimaŋtali.

⁹Yɛm be Yawɛ sizuura lubu ni. Yawɛ kukoli tahiri yɛri tiŋ’ maa: “Wummiya, yinim’ zuliya shɛb’ bɛn laɣim be tiŋ’ ŋɔ ni.

¹⁰N ni tooi tam ninvuɣ’ biɛtali azichi din be ninvuɣ’ biɛri yinsi mini bɛ ni mali kuruwabihi shɛŋa zahindi binyara ka niriba galindi ba la yɛla?

¹¹N chɛli ninvuɣ’ so ŋun zaŋ ninvuɣ’ biɛtali sania mini ʒiri kpalaŋa n-zahind’ o nɛma?

¹²Yi bundaannim’ nyɛla duŋtaariba, ka yi niriba nyɛ ʒiŋmariba, ka yɔhiŋ yɛtɔɣa be bɛ noya ni.

¹³Dinzuɣu ka m pun piligi kuri ya ni m bahi ya yoli yi daalahichi maa zuɣu.

¹⁴Yi ni di bindira, amaa ka ku tiɣi, ka kum na kul ni mali ya. Yi ni ti zaŋ yi binyara sɔɣi, amaa ka di ku tiligi. Ka yi yi ti zali binshɛŋa, n ni chɛ ka tɔbu di li.

¹⁵Yi ni ti biri, amaa ka ku kpuɣi atam. Yi ni ti kahim olivi kpam, amaa ka ku zaŋ kpam maa ʒe yimaŋa. Yi ni ti tɔɣi wain, amaa ka ku nyu wain maa.

¹⁶ Dama yi dolila Omri zaligunima, ka tumdi Ɛhab daŋ niriba ni tumdi tuun’ shɛŋa zaa, ka doli bɛ kaya. Dinzuɣu ka n yɛn chɛ ka yi yiya kpalim zani dabari, ka di niriba nya filiŋ, ka zuliya kam zaa ti mali ya ansarisi.”