Read Dagbani Nahum 1 Bible Online

Nahum 1 - Dagbani bible

Nahum 1

¹Anabitali yɛtɔɣa din nyɛ Ninivenim’ dini. Nahum ŋun nyɛ Ɛlikɔsh nir’ la ni daa nya ʒii shɛli litaafi m-bɔŋɔ.

²Yawɛ ŋun nyɛ Naawuni ŋɔ nyɛla ŋun zabiri nyuli ni ŋun bɔhiri biɛri. Yawɛ nyɛla ŋun bɔhiri biɛri ni suhuyiɣisili pam. Yawɛ bɔhir’ o dimnim’ biɛri, ka yiɣisir’ o suhu pam bahir’ o dimnim’ zuɣu.

³Yawɛ mali yiko pam, amaa o suhu bi yiɣisiri yomyom. Biɛhiŋ kani, Yawɛ ku chɛ alahichilana tibili darigibu. O soli nyɛla pɔhimʒiɛpiliŋga mini sanʒiɛɣu, ka sagbana nyɛ o napɔna taŋkpagbiligu.

⁴O tahiri teeku zuɣu, ka di kom nyuura. Ŋuna n-chɛ ka mɔɣa kom nyuura; ka Bashan mini Kamɛl tihi vari suura, ka Lɛbanɔn tipuma suura.

⁵Zoya sɔhirila o tooni, ka daboya nyɛligira ka tiŋgbani mini dunia ni binshɛɣukam din be di ni ŋuhir’ o tooni.

⁶O yi je suli, ŋuni n-lee ni tooi zani? O suhi yi yiɣisi pam, ŋuni n-lee ni tooi beni? O suhuyiɣisili ŋmanila buɣim, ka tampima wurind’ o zuɣu.

⁷Yawɛ viɛla, ka nyɛ bɛ ni sɔɣiri so sani muɣisigu saha; o guli ninvuɣ’ shɛb’ bɛn sɔɣir’ o sani.

⁸Amaa o ni zaŋ kokpɛɣu naag’ o dimnim’ zaa, ka kar’ o dimnim’ maa kpɛhi zibisim ni.

⁹Bɔzuɣu ka yi lɔri Yawɛ nia biɛɣu? O ni chɛ ka di zani tariga; o dim’ ku tooi mo o buyi.

¹⁰Bɛ ŋmanila gɔhi din gabi taba, ka ŋmani danyuriba bɛn nyu m-buɣi; buɣim ni di ba kaman mokuma la.

¹¹Ninvuɣ’ so yi a ni na ka nyɛ ŋun’ lo Yawɛ zaɣ’ biɛɣu, ka wuhiri yikombiɛlim.

¹²Yawɛ ni yɛli shɛm m-bɔŋɔ: Hal bɛ ni kul mali kpiɔŋ ka lan galisi maa zaa yoli, n ni ku n-naa’ ba. Hal n ni daa chɛ ka yi di wahala la, n ku lan chɛ ka yi di wahala yaha.

¹³Ka pumpɔŋɔ n ni suui bɛ ni zaŋ ʒi’ tibisa shɛŋa ʒili ya la, ka kabi bɛ ni ban ya bandi shɛŋa la.

¹⁴Yawɛ zali zaligu zaŋ chaŋ yi polo. Yi yuli ku lan beni. N ni wurim yi ni kpe binnan’ shɛŋa mini yi ni mali binnan’ shɛŋa zali yi buɣa duu puuni la. N ni gbi yi gbala, dama yi ka buchi.

¹⁵ Nyamiya, ŋun’ ʒiri lahibal’ suŋ kanna naba vuri n-yiri zoya zuɣu ŋɔ na. O nyɛla ŋun mooni suhudoo molo. Judanima, puhimiya yi churi, ka niŋya yi ni daa po pɔri ni yi niŋ shɛlikam zaa la, dama ninvuɣ’ biɛri maa ku lan kana ti liri ya. N naai bɛ balibu zaa.