Read Dagbani Zaligu 34 Bible Online

Zaligu 34 - Dagbani bible

Zaligu 34

¹Dimbɔŋɔ nyaaŋa ka Musa daa yi Mɔab bɔpiɛligu maa ni n-du Nɛbo Zoli nti paai Pisiga Zo’ shɛli din be Jɛriko tooni polo la zuɣu. Ka Yawɛ daa wuh’ o tiŋgbɔŋ maa zaa, zaŋ Giliad hal ni Dan.

²Naftali tiŋgbani zaa mini Ifriim tiŋgbani ni Manaasa tiŋgbani ni Juda tiŋgbani zaa zaŋ hal ni wulinluhili polo teeku noli,

³zaŋ Nɛgɛb mini bɔpiɛligu din nyɛ Jɛriko vinvamli, ka nyɛ tin’ shɛli din mali dɔbino tihi la hal ni Zɔa.

⁴ Ka Yawɛ daa yɛl’ o, “Tiŋgbɔŋ ŋɔ ka n daa po pɔri yɛli Ibrahimma mini Yisahaku ni Yaakubu, ‘N zaŋ li ti yi Zuliya.’ N chɛ ka a nini nya li, amaa a ku paai nimaani.”

⁵Di saha ka Musa ŋun daa nyɛ Yawɛ dabili maa daa kpi nimaani Mɔabnim’ tiŋgbɔŋ ni kaman Yawɛ ni daa zali shɛm maa.

⁶Ka bɛ daa sɔɣ’ o Mɔabnim’ tiŋgbɔŋ maa vinvamli din be Bɛtipɛɔr tooni polo la. Amaa so bi mi bɛ ni daa sɔɣ’ o luɣ’ shɛli maa hal ni zuŋɔ.

⁷Musa ni daa kpi saha shɛli maa, o yuma daa nyɛla yuun’ kɔbiga ni pisi. O nina daa na kul nɛmi viɛnyɛliŋga, ka o niŋgbuŋ ni yaa daa bi filim.

⁸Ka Izraɛlnim’ daa kum Musa kuli Mɔabnim’ bɔpiɛligu maa ni hal ni biɛɣu pihita, di nyaaŋa ka Musa kuli maa kumbu daa naai.

⁹Ka yɛm shia daa pali Nan bia Jɔshua, dama Musa daa zaŋla o nuhi pa Jɔshua zuɣu, dinzuɣu ka Izraɛlnim’ maa daa deeg’ o noli, ka niŋ kaman Yawɛ ni daa zali Musa shɛm.

¹⁰ Anab’ so daa bi lan yiɣisi Izraɛl tiŋgbɔŋ ni ŋ-ŋmani Musa, ka Yawɛ min’ o nini daa nya taba.

¹¹Ka so daa bi tooi wuhi shihira, ka tum alahiziba tuma kaman Yawɛ ni daa tim o ka o ti tum tuun’ shɛŋa Ijipti tiŋgbɔŋ ni n-jɛndi Firawuna min’ o kpambaliba ni o tiŋgbɔŋ maa nim’ zaa la

¹²ni o ni daa chɛ ka Musa tum tuun’ kar’ shɛŋa zaa ni o ni daa wuhi yiko din mali dabiɛm Izraɛlnim’ zaa ninni shɛm la.