Read Dagbani 1 Kɔrintinima 13 Bible Online

1 Kɔrintinima 13 - Dagbani bible

1 Kɔrintinima 13

¹N yi tɔɣisiri ninsalinim’ yɛligu balibu kam, hal zaŋ tabili malaikanim’ yɛligu, ka ka yurilim, dindina m bemi kaman dawule bee gbiŋgbarinlun’ shɛŋa bɛ ni mali ŋmɛri taba ka di yɔri vuri yiriŋ la.

² Ka n yi mal’ anabitali yɛtɔɣa tɔɣisibu pini, ka tooi baŋdi yɛlisɔɣira, ka mali baŋsim zaa, hal n yi mali yɛda din ni chɛ ka n tooi vuui zoya di dooshɛhi, ka ka yurilim, dindina m pala shɛli.

³Ka n yi pirigi n ni mali shɛlikam zaa zaŋ tari, hal ka zaŋ n niŋgbuŋ ti ni bɛ nyo li buɣim, ka ka yurilim, dindina di ku ku ma buchi.

⁴Yurilim diri suɣilo, ka niŋdi nirilim; yurilim bi zabiri nyuli, di bi nyuri bara, di mi bi duhiri dimaŋa.

⁵Yurilim bi mali dimaŋ’ kuuna bee n-ʒiɛmdi so. Yurilim bi zabiri dimaŋ’ yubu zuɣu; di bi mali suhuyiɣisili; di mi bi zaŋdi yɛla niŋdi suhu ni.

⁶Yurilim bi mali suhupiɛlli taali tumbu ni, amaa di naɣ’ mali suhupiɛlli la yɛlimaŋli ni.

⁷Yurilim diri suɣilo binshɛɣukam zaa ni, ka niŋdi yɛda binshɛɣukam zaa ni, ka mali tahima binshɛɣukam zaa ni, ka lan niŋdi ania binshɛɣukam zaa ni.

⁸Yurilim bi naara; amaa di yi nyɛla anabitali yɛtɔɣa tɔɣisibu, di nyɛla din garita; ka di yi nyɛla tinzun yɛligu balibu kam yɛtɔɣa tɔɣisibu Naawuni Shia Kasi yiko ni, di nyɛla din garita; ka di yi nyɛla baŋsim yɛtɔɣa yɛla, di gba nyɛla din garita.

⁹Dama ti bi mali baŋsim yɛtɔɣa zaa, ti mi bi mal’ anabitali yɛtɔɣa tɔɣisibu zaa;

¹⁰amaa milinsi din pali la yi ti kana, milinsi din bi pali zaa ŋɔ ni vuui.

¹¹N ni daa nyɛ bia, n daa tɔɣisirila bilim yɛtɔɣa, ka mali bia tɛha, ka buɣisiri yɛla bilim buɣisibu; amaa n ni daa ti bi doo, ka n chɛ bilim soya zaa.

¹²Dama pumpɔŋɔ ti nyari binyara mi kaman diɣi liti ni ka ti lihira; amaa saha yi ti paai, ti nini yipa ni nya binshɛɣukam zaa viɛnyɛliŋga. Pumpɔŋɔ m bi mi binshɛɣukam zaa, amaa saha kanna ka n ni ti mi zaa kaman Naawuni ni mi ma zaa shɛm la.

¹³Dinzuɣu bin’ ata ŋɔ m-beni, dina n-nyɛ: Yɛda mini tahima ni yurilim, ka din gari di zaa nyɛla yurilim.