Read Dagbani 1 Kɔrintinima 5 Bible Online

1 Kɔrintinima 5 - Dagbani bible

1 Kɔrintinima 5

¹ Di yi zahira ni daɣiri tuma be yi sunsuuni, hal ka di tatabo ka chɛfirinim’ sunsuuni gba; dina n-nyɛ ni yi ni so zaŋ o ba paɣa dɔni.

²Ka yi beni duhiri yimaŋa! Di di bi simdi ni yi fabindimi? Yihimiya ninvuɣ’ so ŋun tum lala maa yi ni.

³N ka yi sani, amaa n suhu din’ be yi sani, ka n gba pun kari ninvuɣ’ so ŋun tum lala maa saria ti Duuma Yisa yuli zuɣu kaman m bela yi san’ la. Yi yi ti laɣim ka n suhu pahi yi zuɣu ti Duuma Yisa yiko ni,

⁵yin’ zaŋmiya ŋun tum lala maa niŋ Sintani nuu ni ka o niŋgbuŋ saɣim, ka di chɛ ka o shia lee ti tiligi ti Duuma Dabisili la dali.

⁶ Yi barinyubo ka gbinni. Yi bi mi ni dabindi biɛla ŋ-ŋɔ n-chɛri ka bɔrɔbɔro ziŋŋɔritili zaa pirita?

⁷ Dinzuɣu yihimiya dabin’ kura la yi sunsuuni din ni chɛ ka yi leei bɔrɔbɔro ziŋŋɔriti’ palli din ka dabindi kaman di ni simdi ni yi be shɛm. Dama Masia ŋun nyɛ ti Yaɣigari Chuɣu Piɛbil’ la pun zaŋ omaŋ’ mali sara.

⁸ Dinzuɣu chɛliya ka ti puhi di chuɣu, ka di pa ni ti zaŋ dabin’ kurili din nyɛ biɛr’ biɛɣu mini tuumbiɛtali puhi li, amaa di simdi ni ti zaŋla bɔrɔbɔro din ka dabindi ka nyɛ bɔrɔbɔro din nyɛ alali mini yɛlimaŋli la puhi li.

⁹N daa sabi gbaŋ tin ya n-yɛli ya ni yi di chɛ ka yi mini ninvuɣ’ shɛb’ bɛn tumdi daɣiri tuma laɣim be.

¹⁰Amaa n ni yɛli shɛm maa bi wuhirila chɛfirinim’ bɛn tumdi daɣiri tuma ka nyɛ kɔrɛnim’ mini ninvuɣ’ fariba ni buɣijɛmdiba la; di yi nyɛ lala, dindina yi naɣ’ ni yila dunia ŋɔ ni.

¹¹N ni daa yɛli ya shɛm nyɛla ni yi di zaŋ yimaŋa tabili ninvuɣ’ so ŋun bol’ omaŋ’ yi mabia ka nyɛ ŋun tumdi daɣiri tuma bee n-nyɛ kɔrɛlana bee buɣijɛmda bee munaafichilana bee danyura bee ninvuɣ’ fara; hal di chɛliya ka yi mini nir’ lala tatabo laɣim tim di gba.

¹²Bɛn ka cheechi ni saria karibu yɛla bi kpa ma. Naawuni n-nyɛ ŋun ni kari ba saria. Amaa bɛn be yi cheechi ni n-nyɛ yi ni kariti shɛb’ saria. Di nyɛla kaman di ni sab’ shɛm Naawuni Kundi ni la: “Yihimiya ninvuɣ’ biɛɣu ŋun be yi ni bahi.