Read Dagbani Kolɔsinima 4 Bible Online

Kolɔsinima 4 - Dagbani bible

Kolɔsinima 4

¹ Duumanima, niŋmiya yi daba din niŋ kamaata, dama yi mi ni yi gba mali Duuma alizanda ni.

²Kul suhimiya Naawuni ka lihimiya viɛnyɛliŋga, ka paɣimiy’ o di puuni.

³Suhimiya Naawuni n-tim’ ti gba ka Naawuni mali soli ti ti ka ti tɔɣisi o yɛligu n-kahigi Masia ashili yɛtɔɣa gbinni ni nyɛ shɛm wuhiri niriba. Dimbɔŋɔ zuɣu ka m be sarika ni ŋɔ.

⁴Dinzuɣu kul suhimiya Naawuni tiri ma din ni chɛ ka n tooi tɔɣisiri Naawuni yɛligu n-kahigiri di gbinni wuhiri kaman di ni simdi ni n kahigiri li wuhiri shɛm.

⁵ Benya yɛm biɛhigu bɛn pa yɛdaniŋdiba sani, ka zaŋmiya yi ni mali dahima shɛli n-tummi di ni simdi ni yi tum shɛm.

⁶Di simdi ni yi chɛ ka yalim be yi yɛtɔɣa ni ka di viɛla, ka di chɛ ka yi tooi mi yi ni yɛn garigi sokam shɛm.

⁷ Tikikus ŋun nyɛ ti mabiyurigu ŋun ʒe yim ti Duuma tuma ni la ni ti yɛli ya n yɛla ni nyɛ shɛm zaa.

⁸ Di zuɣu ka n timd’ o yi sanna ni o ti yɛli ya ti zaa ni be shɛm, ka di kpaŋsi yi suhuri.

⁹ Ka ti mabiyurigu Onɛsimus ŋun ʒe yim ka nyɛ yi ni yino la ni pahi o zuɣu kana. Bɛ ni ti yɛli ya binshɛɣukam zaa din niŋdi kpe ŋɔ yɛla.

¹⁰ Aristakus ŋun be sarika ni pahi n zuɣu ŋɔ mini Maak ŋun nyɛ Baanabas ŋahiŋga la puhiri ya. Yi pun wum di ni simd ni yi niŋ o shɛm; ka o yi ti ka yi sanna, yin’ deemiy’ o.

¹¹Yisa so bɛ ni lan booni Justus la gba puhiri ya. Niriba ata ŋɔ kɔŋko n-nyɛ Yɛhudianim’ bɛn nyɛ n tumtumditaba Naawuni nam zuɣu; bɛ nyɛla bɛn kpaŋsiri n suhu pam.

¹² Ɛpafiras ŋun gba nyɛ yi ni yino ka nyɛ Yisa Masia tumtumda la puhiri ya. O kul suhiri Naawuni ni nimmoo n-tiri ya ni Naawuni chɛ ka yi bi niriba ka ba n-zani n-niŋ naani zaa Naawuni yubu tumbu puuni.

¹³Mmaŋmaŋ’ di o shɛhira o ni tumdi ni nimmoo yi mini Laodisianim’ ni Hiɛrapolisnim’ zuɣu shɛm.

¹⁴ Luk ŋun nyɛ dɔɣite so ti ni yuri la mini Diimas gba puhiri ya.

¹⁵Puhimiya ti mabihi bɛn be Laodisia mini paɣ’ so ŋun yuli booni Nimfa la ni yɛdaniŋdiba bɛn laɣind’ o yiŋ’ la ti ma.

¹⁶Yi yi ti karim gbaŋ ŋɔ naai, yin’ niŋmiya ania n-zaŋ li ti Laodisianim’ gba ka bɛ karim. Ka yi gba niŋ ania n-karim gban’ shɛli Laodisianim’ ni yɛn zaŋ tin ya na la.

¹⁷ Yɛlimiya Aakipus ni di niŋ kamaata ni o tum ti Duuma ni ti o tuun’ shɛl’ la naai.

¹⁸Man’ Pool maŋmaŋa n-sab’ puhigu yɛtɔɣa ŋɔ. Di tamya ni m bela bandi ni. Naawuni daalibarika kpalimmi be yi ni!