Read Dagbani 2 Jɔn 1 Bible Online

2 Jɔn 1 - Dagbani bible

2 Jɔn 1

¹Man’ ŋun nyɛ kpɛm’ la n-sabiri gbaŋ ŋɔ tiri n ni yuri paɣ’ gahindi’ so min’ o bihi[1] ni yɛlimaŋli la. Ka di pala n kɔŋko n-yuri ya, amaa bɛnkam zaa mi yɛlimaŋli la gba yuri ya,

²dama yɛlimaŋli maa be ti ni, ka kul ni kpalim be ti ni hal ni saha din ka bahigu.

³Ti Ba Naawuni mini Yisa Masia ŋun nyɛ ti Ba Naawuni maa Bia la zom’ ti nambɔɣu, ka niŋ anfaani niŋ ti ni, ka ti ti suhudoo, ka chɛ ka di leei ti dini yɛlimaŋli mini yurilim puuni.

⁴N ni daa nya ka a bihi la ni shɛb’ doli yɛlimaŋli kaman ti Ba Naawuni ni zali ti shɛm la, di daa niŋ ma nyaɣisim pam.

⁵ Paɣa, ka pumpɔŋɔ n suhir’ a mi, chɛliya ka ti yuri taba. Ka di pa ni n sabirila zaligu palli tir’ a, amaa di nyɛla ti ni daa pun deei shɛli piligu ni la.

⁶Yurilim maa nyɛla ni ti doli Naawuni zaligunima. Ka o zaligu maa dolibu nyɛla ni ti yum’ taba kaman ti ni daa pun wum shɛm piligu ni la.

⁷Bɛn nyɛ ninvuɣ’ yɔhindiba pam be dunia ŋɔ ni pumpɔŋɔ. Bɛ nyɛla ninvuɣ’ shɛb’ bɛn bi saɣi ni Yisa Masia daa leei ninsala n-ka dunia ŋɔ ni na. Ninvuɣ’ so ŋun yɛl’ lala nyɛla ninvuɣ’ yɔhinda ni Masiachihira.

⁸Dinzuɣu lihimiya yimaŋ’ viɛnyɛliŋga ka di chɛ ka yi ni pun tum shɛli zuɣu la ku yi yi nuu ni, amaa ka di lee chɛ ka yi ti deela di laara zaa.

⁹Ninvuɣ’ so ŋun bi doli Masia wuhibu, amaa ka kpahi yaɣi di zuɣu chana, dilana maa ka Naawuni; ka ŋunkam mi doli Masia wuhibu nyɛla ŋun mali ti Ba Naawuni min’ o Bia.

¹⁰Dinzuɣu so yi ti ka a sanna ka bi mali wuhibu ŋɔ na, nyin’ di saɣi ka o kpe a yiŋa; a mi di puhi lala nira,

¹¹dama ŋun puh’ o gba leela ŋun pah’ o zuɣu tum o tuumbiɛri maa.

¹²M mali yɛla pam ni n yɛli ya, amaa n lee bi bɔri ni n zaŋ tadabo sab’ li pa gbaŋ zuɣu tin ya. M mali tahima ni n ni kana ti kaai ya, ka m mini ya nini nya taba ka ti tɔɣisi, ka di chɛ ka ti nya suhupiɛlli zaa.

¹³A tizɔpaɣ’ yurigu[2] la bihi puhir’ a