Read Dagbani Kahigibu 12 Bible Online

Kahigibu 12 - Dagbani bible

Kahigibu 12

¹Ka shihir’ karili daa puhi zani alizanda ni. Paɣ’ so n-daa ye wuntaŋa kaman chinchini la, ka goli be o naba tiŋli, ka nam zuɣupiligu din mali saŋmarisi pinaayi pil’ o zuɣu.

²O daa malila pua, ka wolisiri n-kuhiri ni biɛrim pam ni o dɔɣi.

³ Ka shihir’ shɛli daa lan puhi zani alizanda ni yaha. Waɣ’ ʒiɛ’ biɛ’ titali ŋun mali zuɣur’ ayopɔin mini yila pia, ka nam zuɣupilis’ ayopɔin pil’ o zuɣuri maa daa yina ʒiɛya.

⁴ Ka o daa zaŋ o zuli n-vooi saŋmarisi pirigibu ʒii buta puuni yim zuɣu bahi dunia ni; ka daa chaŋ ti ʒe paɣ’ so ŋun yɛn dɔɣi maa tooni ni o ti dɔɣi ka o di bia maa nyɛvili.

⁵ Ka paɣ’ maa daa ti dɔɣi bidibiga ŋun nyɛ ŋun ti yɛn di nam n-zaŋ kurigu jaaŋgbee su zuliya kam, ka Naawuni daa chɛ ka bɛ to n-kpuɣ’ o bia maa zuɣusaa n-zaŋ o tahi Naawuni sani o nam ʒiishee.

⁶Ka paɣ’ maa mi daa zo n-chaŋ luɣ’ shɛli Naawuni ni daa mali zal’ o tiŋgban’ nɛli ni ni o be nimaani ka o dihir’ o hal ti paai biɛɣ’ tuhili ni kɔbisiyi ni pihiyɔbu la.

⁷ Ka tɔbu daa yiɣisi alizanda ni. Malaikanim’ zuɣulana Maikil min’ o malaikanima n-daa tuhiri waɣ’ biɛ’ titali maa min’ o gba malaikanima,

⁸amaa ka Maikil min’ o malaikanim’ maa daa nyaŋ waɣ’ biɛ’ titali maa min’ o malaikanima, ka bɛ lan ka biɛhigu shee alizanda ni.

⁹ Ka bɛ daa zaŋ waɣ’ biɛ’ titali ŋun nyɛ kurimbuni ha waɣ’ so bɛ ni booni Fiɣisira ni Sintani ŋun yɔhim dunia zaa la min’ o malaikanima m-bahi dunia ni na.

¹⁰ Di saha ka n daa wum kukol’ shɛli alizanda ni ka di yɛri pampam, “Pumpɔŋɔ ti Duuma Naawuni tiliginsim min’ o yiko ni nam ni o Masia fukumsi deebu yipa kana, dama o yihi ŋun nyɛ ti mabihi munaafichilaan’ so ŋun yi fiɣisiri ti mabihi maa Naawuni sani yuŋ ni wuntaŋ’ ni la bahi.

¹¹Ti mabihi maa daa zaŋla Piɛbil’ la ʒim mini bɛ shɛhira niŋbu n-nyaŋ o, dama bɛ daa bi zaɣisi kum di puuni.

¹²Dinzuɣu alizanda mini bɛn zaa be di ni, maliya suhupiɛlli! Amaa mbusim be dunia mini teeku zuɣu! Dama Sintani siɣi yi sanna ni sujee zaɣ’ titali o ni mi ni o saha bi lan wɔɣa zuɣu.”

¹³Waɣ’ biɛ’ titali maa ni daa nya ka bɛ yih’ o bahi dunia ŋɔ ni na maa, ka o gbaai kariti doli paɣ’ so ŋun daa dɔɣi bidibiga la.

¹⁴ Ka Naawuni daa zaŋ tɔrili zaɣ’ titali kpiŋkpama ayi ti paɣ’ maa ni o yiɣi zo ka chɛ wahu maa n-chaŋ mɔɣu ni ti be luɣ’ shɛli Naawuni ni yɛn dihir’ o hal ti paai yuma ata ni pirigili.

¹⁵Ka wahu maa daa tuhi kom o nol’ ni na kaman mɔɣili kom la ni di zo n-doli paɣ’ maa ti di o.

¹⁶Ka tiŋgbani daa sɔŋ paɣ’ maa bɔɣi, ka waɣ’ titali maa ni daa tuhi ko’ shɛli o nol’ ni na ka di be kaman mɔɣili kom maa zɔna ti kpe di ni, ka di nyu di zaa.

¹⁷Di saha ka waɣ’ biɛ’ titali maa suhu daa yiɣisi bahi paɣ’ maa zuɣu, ka o lo tɔbu chaŋ ni o ti tuhi paɣ’ maa zuliya bɛn kpalim n-nyɛ bɛn doli Naawuni zaligunima ka mali Yisa shɛhira la.

¹⁸Dimbɔŋɔ nyaaŋa ka o daa chaŋ ti ʒe teeku duli.