Read De Bibel JHF 1. Mose 36 Bible Online

1. Mose 36 - De Bibel JHF bible

1. Mose 36

¹Un dit sent de Jeschlajchta von Esau, daut es Edom.

²Esau neem siene Frues vonne Dajchta Kanaan: Ada, de Dochta Elon, däm Hetita, un Oholibama, de Dochta von Ana, de Dochta Zibeon, vom Hewita,

³un Basmat, de Dochta von Ismael, de Sesta von Nebajoth.

⁴Un Ada jebua däm Esau Elifa, un Basmat jebua Reghuel.

⁵Un Oholibama jebua Jeghusch un Jaghlam un Korach. Daut sent Esau siene Säns, dee am em Launt Kanaan jebuaren worden.

⁶Un Esau neem siene Frues un siene Säns un siene Dajchta un aule Seelen ut sienem Hus, un siene Häaden un aul sien Vee un aul sien Ieejentum, daut hee em Launt Kanaan jewonnen haud, un jinkj en een Launt, von sienem Brooda Jakob wajch.

⁷Dan äa Hab un Goot wia groot, om bie eenaunda too wonen, un daut Launt woa see sikj opphilden kunn an nich droagen wäajen äare Häaden.

⁸Un Esau wond opp däm Jebirje Seir. Esau, daut es Edom.

⁹Un dit sent de Jeschlajchta von Esau, däm Voda von Edom, opp däm Jebirje Seir.

¹⁰Dit sent de Nomes vonne Säns Esau: Elifa, de Sän von Ada, de Fru Esau; Reghuel, de Sän Basmat, de Fru Esau.

¹¹Un de Säns von Elifa wieren: Teman, Omar, Zefo un Gaetam un Kena.

¹²Un Timna wia de Näbenfru von Elifa, däm Sän von Esau, un see jebua am däm Elifa Amalek. Daut sent de Säns Ada, Esau siene Fru.

¹³Un dit sent de Säns von Reghuel: Nachat un Serach, Schamma un Missa. Daut wieren de Säns Basmat, von Esau siene Fru.

¹⁴Un dit sent de Säns Oholibama, de Dochta von Ana, de Dochta Zibeon, de Fru von Esau: See jebua däm Esau; Jeghusch, Jaghlam un Korach.

¹⁵Dit sent de Ferschten de Säns Esau: De Säns Elifa, de Ieeschtjebuarna von Esau: De Ferschten Teman, de Ferscht Omar, de Ferscht Zefo, de Ferscht Kena,

¹⁶de Ferscht Korach, de Ferscht Gaetam, de Ferscht Amalek. Daut sent de Ferschten vom Elifa em Launt Edom; daut sent de Säns de Ada.

¹⁷Un dit sent de Säns Reghuel, vom Sän Esau: De Ferscht Nachat, de Ferscht Serach, de Ferscht Schemma, de Ferscht Missa. Daut sent de Ferschten von Reghuel em Launt Edom; daut sent de Säns Basmat, von de Fru Esau.

¹⁸Un dit sent de Säns Oholibama, von Esau siene Fru: De Ferscht Jeghusch, de Ferscht Jaghlam, de Ferscht Korach. Daut sent de Ferschten Oholibama, de Dochta de Ana, de Fru von Esau.

¹⁹Daut sent de Säns von Esau un äare Ferschten; daut es Edom.

²⁰Daut sent de Säns von Seir, vom Horita, de Bewona vom Launt: Lotan un Schobal un Zibeon un Ana un Dischon un Ezer un Dischan.

²¹Daut sent de Ferschten de Horita, vonne Säns Seir, em Launt Edom.

²²Un de Säns von Lotan wieren: Hori un Hemam, un de Sesta Lotan: Timna.

²³Un dit sent de Säns von Schobal: Alwan un Manachat un Ebal, Schefo un Onam.

²⁴Un dit sent de Säns von Zibeon: Aja un Ana. Daut es de Ana, dee de woame Kjwalen enne Wieste funk, aus hee Zibeon siene Äsel, von sienem Voda, heed.

²⁵Un dit sent de Säns von Ana: Dischon un Oholibama, de Dochta von Ana.

²⁶Un dit sent de Säns Dischon: Hemdan un Eschban un Jitran un Keran.

²⁷Dit sent de Säns von Ezer: Bilhan un Saawan un Ackan.

²⁸Dit sent de Säns von Dischan: Uz un Aran.

²⁹Dit sent de Ferschten de Horita: De Ferscht Lotan, de Ferscht Schobal, de Ferscht Zibeon, de Ferscht Ana,

³⁰de Ferscht Dischon, de Ferscht Ezer, de Ferscht Dischan. Daut sent de Ferschten de Horita, no äare Ferschten em Launt Seir.

³¹Un dit sent de Kjennichs, dee em Launt Edom rejieet ha, ea een Kjennich äwa de Kjinja Israel rejieed:

³²Bela, de Sän von Beor, wort Kjennich en Edom, un de Nomen von siene Staut wia Dinhaba.

³³Un Bela storf; un daut wort Jobab Kjennich aun siene Städ, de Sän von Serach, ut Bozra.

³⁴Un Jobab storf; un daut wort Huscham Kjennich aun siene Städ, ut däm Launt de Temanita.

³⁵Un Huscham storf; un daut wort Hadad Kjennich aun siene Städ, de Sän von Bedad, dee Midian schluach oppem Flekj Moab; un de Nomen von siene Staut wia Awit.

³⁶Un Hadad storf; un daut wort Samla, ut Masreka, Kjennich aun siene Städ.

³⁷Un Samla storf; un daut wort Saul, ut Rechobot, aum Stroom, Kjennich aun siene Städ.

³⁸Un Saul storf; un daut wort Baal-Hanan, de Sän Akbor, Kjennich aun siene Städ.

³⁹Un Baal-Hanan, de Sän von Akbor, storf; un daut wort Hadar Kjennich aun siene Städ; un de Nomen von siene Staut wia Paghu, un de Nomen von siene Fru Mehetabeel, de Dochta de Matred, de Dochta Mesahab.

⁴⁰Un dit sent de Nomes de Ferschten von Esau, no äare Famieljes, no äare Uaten un Nomes: De Ferscht Timna, de Ferscht Alwa, de Ferscht Jetet,

⁴¹de Ferscht Oholibama, de Ferscht Ela, de Ferscht Pinon,

⁴²de Ferscht Kena, de Ferscht Teman, de Ferscht Mibzar,

⁴³de Ferscht Magdiel, de Ferscht Iram. Daut sent de Ferschten von Edom no äare Wonstäden, en äarem Ieejendoomslaunt. Daut es Esau, de Voda de Edomieta.