Read De Bibel JHF 1. Mose 5 Bible Online

1. Mose 5 - De Bibel JHF bible

1. Mose 5

¹Dit es daut Buak von Adam sien Jeschlajcht. Aun däm Dach, doa Gott Adam schauft, muak hee am em Jlikjnis Gottes.

²Aus Maun un Fru schauft hee an, un hee säajend an un jeef an däm Nomen Mensch, aun däm Dach, doa see jeschauft worden.

³Un Adam läwd 130 Joa un jebua eenen Sän en sienem Jlikjnis, no sienem Bilt, un jeef am däm Nomen Seth.

⁴Un de Doag von Adam, nodäm hee Seth jebuaren haud, wieren 800 Joa, un hee jebua Säns un Dajchta.

⁵Un aule Doag Adam, dee hee läwd, wieren 930 Joa, un hee storf.

⁶Un Seth läwd 105 Joa un jebua Enos.

⁷Un Seth läwd, nodäm hee Enos jebuaren haud, 807 Joa un jebua Säns un Dajchta.

⁸Un aule Doag Seth wieren 912 Joa, un hee storf.

⁹Un Enos läwd 90 Joa un Jebua Kenan.

¹⁰Un Enos läwd, nodäm hee Kenan jebuaren haud, 815 Joa un jebua Säns un Dajchta.

¹¹Un aule Doag Enos wieren 905 Joa, un hee storf.

¹²Un Kenan läwd 70 Joa un jebua Mahalalel.

¹³Un Kenan läwd, nodäm hee Mahalalel jebuaren haud, 840 Joa un jebua Säns un Dajchta.

¹⁴Un de Doag Kenan wieren 910 Joa, un hee storf.

¹⁵Un Mahalalel läwd 65 Joa un jebua Jered.

¹⁶Un Mahalalel läwd, nodäm hee Jered jebuaren haud, 830 Joa un jebua Säns un Dajchta.

¹⁷Un aule Doag Mahalalel wieren 895 Joa, un hee storf.

¹⁸Un Jered läwd 162 Joa un jebua Henoch.

¹⁹Un Jered läwd, nodäm hee Henoch jebuaren haud, 800 Joa un jebua Säns un Dajchta.

²⁰Un aule Doag Jered wieren 962 Joa, un hee storf.

²¹Un Henoch läwd 65 Joa un jebua Methusalah.

²²Un Henoch waundeld met Gott, nodäm hee Methusalah jebuaren haud, 300 Joa un jebua Säns un Dajchta.

²³Un aule Doag Henoch wieren 365 Joa.

²⁴Un Henoch waundeld met Gott; un hee wia nich mea, dan Gott neem am wajch.

²⁵Un Methusalah läwd 187 Joa un jebua Lamech.

²⁶Un Methusalah läwd, nodäm hee Lamech jebuaren haud, 782 Joa un jebua Säns un Dajchta.

²⁷Un aule Doag Methusalah wieren 969 Joa, un hee storf.

²⁸Un Lamech läwd 182 Joa un jebua eenen Sän.

²⁹Un hee jeef am däm Nomen Noah, endäm hee säd: Disa woat ons äwa onse Oabeit treesten un äwa de Mieej onse Henj, wäajen däm Ieedboddem, däm Gott veflucht haft.

³⁰Un Lamech läwd, nodäm hee Noah jebuaren haud, 595 Joa un jebua Säns un Dajchta.

³¹Un aule Doag Lamech wieren 777 Joa, un hee storf.

³²Un Noah wia 500 Joa oolt; un Noah jebua Sem, Ham un Jafet.