Read De Bibel JHF 2. Samuel 21 Bible Online

2. Samuel 21 - De Bibel JHF bible

2. Samuel 21

¹Un en David siene Doag wia dree Joa Hungaschnoot, Joa fa Joa. Un David socht daut Aunjesecht Gottes; un de Har säd: Daut es wäajen Saul un wäajen daut Blootschult Hus, wiels hee de Gibeonita omjebrocht haud.

²Doa roopt de Kjennich äwa de Gibeonita un räd met an. Oba de Gibeonita wieren nich von de Kjinja Israel, sonda von de Äwaje de Amorita; un de Kjinja Israel hauden an jeschwuaren; oba Saul socht an omtobrinjen, doa hee fa de Kjinja Israel un Juda iewad.

³Un David säd to de Gibeonita: Waut saul ekj fa junt doonen, un met waut saul ekj Veseenunk doonen, daut jie daut Oawdeel Gottes säajnen?

⁴Un de Gibeonita säden to am. Daut jeit ons nich om Selwa un Golt betrafs Saul un betrafs sienem Hus, un daut es ons nich doaraun to doonen, irjent wäm en Israel omtobrinjen. Un hee säd: Waut jie sajen, well ekj fa junt doonen.

⁵Doa säden see toom Kjennich: Dee Maun, dee ons venicht haft, un dee jäajen ons wia, daut wie vetilcht worden, om nich mea en aule Jrensen Israels too bestonen:

⁶Maun jeft ons 7 Mana von siene Säns, daut wie an ver däm Harn en Gibea Saul opphenjen, daut Erwälte Gottes. Un de Kjennich säd: Ekj well dee jäwen.

⁷Oba de Kjennich veschoond Mefiboseth, Jonatan sienem Sän, von Saul sienem Sän, wäajen däm Schwua Gottes wellen, de tweschen an wia, tweschen David un Jonatan, Saul sienem Sän.

⁸Un de Kjennich neem de beid Säns Rizpa, Ajas Dochta, dee see däm Saul jebuaren haud, Armoni un Mefiboseth, un de fief Säns von Michal, Saul siene Dochta, dee see däm Adriel jebuaren haud, Barsillai sienem Sän, vom Meholatita,

⁹un hee jeef dee enne Haunt de Gibeonita; un see henjde an oppem Boajch ver däm Harn opp. Un daut follen de 7 tojlikj, un see worden omjebrocht aum ieeschten Arntedach, aum Aunfank de Joaschtarnte.

¹⁰Doa neem Rizpa, Ajas siene Dochta, Sakduak, un spreed daut oppem Steen ut, von Aunfank de Arnt aun, bat daut Wota vom Himmel äwa an [de Jehenjde] foll; un see leet Äwadach de Väajel vom Himmel nich opp an ruen, noch de Tieren vonne Stap de Nacht.

¹¹Un daut wort David berecht, waut Rizpa, Ajas siene Dochta, Saul siene Näbenfru, jedonen haud.

¹²Doa jinkj David han un neem von de Jabes-Gilead siene Birja Saul siene Knoakes un de Knoakes von sienem Sän Jonatan, dee see vom Plauz en Bat-Schan heimlich wajchjenomen hauden, woa de Filista an aun däm Dach oppjehongen hauden, doa de Filista opp Gilboa Saul schluagen.

¹³Un hee brocht Saul un Jonatan siene Knoakes von doa nopp; un maun saumeld de Knoakes de Jehenjde,

¹⁴un begrowen dee bie Saul un sienem Sän Jonatan siene Knoakes, em Launt Benjamin, en Zela, em Grauf von sienem Voda Kisch; un maun deed aules, waut de Kjennich befoolen haud. Un nodäm wia Gott fa daut Launt wada jnädich.

¹⁵Un wada jeef daut een Kaumf de Filista met Israel. Un David un siene Kjnajchts jinjen met am nopp, un see streeden met de Filista. Un David wia meed;

¹⁶un Jischbi-Benob, dee vonne Säns Rafa wia, (daut Jewicht von siene Spiessspetz wia 300 Schekel Koppa aun Jewicht, un hee haud een nieet Schwieet), hee wull David ombrinjen.

¹⁷Oba Abisai, Zeruja sien Sän, holp am un schluach däm Filista doot. Doamet schwuare David siene Mana am un säden: Du saust nich mea met ons toom Kaumf utgonen, daut du daut Licht Israels nich utlaschst!

¹⁸Un nodäm passieed daut, doa wia wada de Kaumf met de Filista en Gob. Doa schluach Sibbekai, de Huschita, däm Saf, dee vonne Säns de Rafa wia.

¹⁹Un wada wia Kaumf met de Filista en Gob. Un Elchanan, de Sän Jaare-Orgim, de Betlehemita, schluach Goliat, däm Gatita; un de Spies Stang wia aus een Wäwboom.

²⁰Un wada kaum daut toom Kaumf en Gat. Doa wia een groota Maun, un hee haud aun beid Henj 6 Finjasch un aun beid Feet 6 Teeen, 24 aun Zol; un uk hee wia däm Rafa jebuaren worden.

²¹Un hee vespott Israel; un Jonatan, Schimea sien Sän, von David sienem Brooda, schluach am.

²²Dise 4 worden däm Rafa en Gat jebuaren; un see follen derch David siene Haunt un derch de Haunt siene Kjnajchts.