Read De Bibel JHF 1. Chronik 20 Bible Online

1. Chronik 20 - De Bibel JHF bible

1. Chronik 20

¹Un aus daut Joa toenj wia, too Tiet doa de Kjennichs utgonen, doa fieed Joab de Häamacht ut un vedorw daut Launt de Kjinja Amon; un hee kaum un beloagad Rabba. Oba David bleef un Jerusalem. Un Joab schluach Raba un reet daut dol.

²Un David naum de Kroon von äarem Kjennich von sienem Haupt; un hee funk, daut see een Talent Golt schwoa wia, un Adelsteena wieren aun ar; un see kaum opp David sien Haupt. Un hee brocht eenen groote Raup ut de Staut.

³Un daut Volkj, daut doa wia, fieed hee rut un stald an aune Soage un aune iesane Draschwoages un aune Steenschnieda. Un aulsoo deed David daut met aule Städa de Kjinja Amon. Un David un daut gaunze Volkj jinjen trigj no Jerusalem.

⁴Un nodäm passieed daut, doa jeef daut een Striet met de Filista en Geser. Doa schluach Sibbekai, de Huschatita, däm Sippai, eenem von de Säns Rafa; un see worden jedeemooticht.

⁵Un wada jeef daut een Striet met de Filista. Un Elchanan, Jair sien Sän, schluach Lachmi, däm Brooda von Goliat, däm Gatita; un de Spiessstang wia aus een Wäwboom.

⁶Un wada jeef daut een Striet bie Gat. Doa wia een groota Maun, un hee haud 6 Finja un 6 Teeen, em gaunzen 24; un uk hee wia däm Rafa jebuaren worden.

⁷Un hee vespott Israel; un Jonatan, Schimea sien Sän, von David sienem Brooda, schluach am.

⁸Dise worden däm Rafa en Gat jebuaren; un see follen derch David siene Haunt un derch de Haunt siene Kjnajchts.