Read De Bibel JHF 1. Chronik 24 Bible Online

1. Chronik 24 - De Bibel JHF bible

1. Chronik 24

¹Un waut Aaron siene Säns betraft, soo wieren äare Aufdeelungen: Aaron siene Säns: Nadab un Abihu, Eleasar un Ithamar.

²Un Nadab un Abihu storwen ver äarem Voda, un see hauden kjeene Säns; un Eleasar un Ithamar eewden däm Priesta Deenst ut.

³Un David, un Zadok von Eleasar siene Säns, un Ahimelech von de Säns Ithamar deelden sikj auf - no äarem Aumt, en äarem Deenst.

⁴Un von Eleasar siene Säns worden mea Famielje Heipta jefungen, aus von Ithamar siene Säns; un soo deelden see an soo auf: Von Eleasar 16 Heipta von de Vodahiesa, un von Ithamar siene Säns 8 Heipta von äare Vodahiesa.

⁵Un zwoa deelden see an derch Lessa auf, dise aus jane; dan de Bowaschte vom Heilichtum un de Bowaschte Gottes wieren von Eleasar siene Säns un ut Ithamar siene Säns.

⁶Un Schemaja, Nethaneel sien Sän, de Schriewa ut de Leviten, schreew an opp ver däm Kjennich un ver de Bowaschte un ver Zadok, däm Priesta, un Ahimelech, Abjatar sienem Sän, un de Heipta de Vodasch de Priesta un de Leviten. Emma een Vodahus wort utjeloost fa Eleasar, un eent wort utjeloost fa Ithamar.

⁷Un daut ieeschte Loss foll opp Jehojarib, fa Jedaja daut tweede,

⁸fa Harim daut dredde, fa Seorim daut vieede,

⁹fa Malkija daut fefte, fa Mijamin daut saste,

¹⁰fa Hakkoz daut säwende, fa Abija daut achte,

¹¹fa Jeschua daut näajende, fa Schekanja daut 10-de,

¹²fa Eljaschib daut 11-te, fa Jakim daut 12-te,

¹³fa Huppa daut 13-de, fa Jeschebab daut 14-de,

¹⁴fa Bilga daut 15-de, fa Immer daut 16-de,

¹⁵fa Hesir daut 17-de, fa Happizez daut 18-de,

¹⁶fa Petachja daut 1näajende, fa Jecheskel daut 20-ste,

¹⁷fa Jakin daut 21-ste, fa Gamul daut 22-ste,

¹⁸fa Delaja daut 23-ste, fa Maasja daut 24-ste.

¹⁹Soo wieren see ennjedeelt too äarem Deenst, om en daut Hus Gottes too komen no äare Väaschreft, jejäft derch äarem Voda Aaron, soo aus de Har, de Gott Israels, am befoolen haud.

²⁰Un waut de äwaje Säns von Levi betraft; von Amram siene Säns: Schubael; von Schubael siene Säns: Jechdeja.

²¹Von Rechabja, von Rechabja siene Säns: Daut Haupt, Jischija.

²²Von de Jizharita: Schelomot; von Schelomot siene Säns: Jachat.

²³Un Hebron siene Säns: Jerija, daut Haupt; Amarja, de tweeda; Jachasiel, de dredda; Jekamam, de vieeda.

²⁴Ussiel siene Säns: Micha; von Micha siene Säns: Schamir.

²⁵De Brooda von Micha wia Jischija; von Jischija siene Säns: Sekarja.

²⁶De Säns Merari: Machli un Musi. De Säns Jaasija, von sienem Sän:

²⁷De Säns Merari von Jaasija, sienem Sän: Schoham un Sakkur un Ibri;

²⁸von Machli: Eleasar, oba dee haud kjeene Säns;

²⁹von Kisch, de Säns Kisch: Jerachmeel;

³⁰un de Säns Musi: Machli un Eder un Jerimot. Daut wieren de Säns von de Leviten, no äare Vodahiesa.

³¹Un uk see deeden lossen aus äare Breeda, Aaron siene Säns, ver däm Kjennich David un Zadok un Ahimelech un de Heipta de Vodahiesa de Priesta un de Leviten, daut Haupt de Vodasch aus sien jerinjsta Brooda.