Read De Bibel JHF Esra 10 Bible Online

Esra 10 - De Bibel JHF bible

Esra 10

¹Un aus Esra bäd, un aus hee bekjand, hield un ver däm Hus Gottes hanjestrakjt, vesaumelden sikj no am ut Israel eene sea groote Jemeent von Mana un Frues un Kjinja; dan daut Volkj hield sea.

²Un Schechanja, Jehiel sien Sän, von de Säns Elam, auntwuad un säd to Esra: Wie ha ontru jehaundelt jäajen onsem Gott un ha framde Frues ut de Laundesvelkja nohus jebrocht; oba nu es noch Hopninj fa Israel betrafs dise Sach.

³Soo lot ons nu eenen Bunt moaken met onsem Gott, daut wie aule Frues un dee von an jebuaren sent, rutdoonen, nom Rot von mienem Harn un dee, dee sikj doa enjsten ver däm Jeboot von onsem Gott; un daut saul nom Jesaz jehaundelt woaren.

⁴Sto opp, dan opp die licht dise Sach; un wie woaren met die sennen. Sie stoakj un haundel!

⁵Doa stunt Esra opp, un hee leet de Bowaschte de Priesta, de Leviten un daut gaunze Israel schwieren, no dise Wieed to doonen. Un see schwuare.

⁶Un Esra stunt opp, von verem Hus Gottes, un jinkj enne Stow Jochanan, Eljaschib sienem Sän; un hee jinkj doahan, hee aut kjeen Broot un drunk kjeen Wota, dan hee truad äwa de Truloosichkjeit de Wajchjefieede.

⁷Un see leeten derch Juda un Jerusalem een Roop utgonen aun aule Kjinja de Wajchjefieede, daut see sikj no Jerusalem vesaumlen sullen.

⁸Un wäa benna dree Doag nich kjemt, nom Rot de Bowaschte un Eltestasch, däm sien gaunzet Hab un Goot sull vebaunt, un hee selfst ut de Jemeent de Wajchjefieede utjeschloten woaren.

⁹Doa vesaumelden sikj aule Mana von Juda un Benjamin en dree Doag no Jerusalem, ... daut wia de näajenda Moonat, aum 20-sten em Moonat. Un daut gaunze Volkj saut oppem Plauz ver däm Hus Gottes, zettaden om de wellens Sach un wäajen däm Räajen.

¹⁰Doa stunt Esra, de Priesta, opp un räd to an: Jie ha ontru jehaundelt un ha framde Frues nohus jefieet, om de Israels Schult jrata too moaken.

¹¹Soo lajcht nu Bekjantnis auf ver däm Harn, däm Gott june Vodasch; un doot sien gooden jefaulen un sondat junt auf von de Laundesvelkja un von de framde Frues!

¹²Un de gaunze Jemeent auntwuad un säd met ne lude Stemm: No diene Wieed, aulsoo well wie daut doonen!

¹³Oba daut es een grootet Volkj; un daut es de Räajentiet, soo daut maun nich buten stonen kaun; un es uk nich Woakj von eenem Dach ooda von 2, dan väle unja ons ha en dise Sach äwaträden.

¹⁴Lot doch onse Bowaschten fa de gaunze Jemeent doa stonen; un aula, dee en onse Städa sent, dee framde Frues nohus jefieet ha, muchten to bestemde Tiet komen, un met an de Eltestasch von jiedre Staut un äare Rechta, soo lang dise Sach besteit, bat de Zorngloot von onsem Gott von ons aufjedreit woat.

¹⁵Blooss Jonatan, Asael sien Sän, un Jachseja, Tikwa sien Sän, stunden doajäajen opp; un Meschullam un Schabbetai, de Levit, stunden an bie.

¹⁶Un de Kjinja de Jefangenschoft deeden aulsoo. De Priesta Esra sondad sikj Mana auf, Heipta de Vodahiesa no äare Stam, un zwoa aule met Nomen; un see saden sikj dol aum ieeschten Dach em 10-den Moonat, om de Sach too unjasäkjen.

¹⁷Un see kaumen bat nom ieeschten Dach em ieeschten Moonat met aulem too Enj, betrafs de Mana, dee framde Frues nohus jefieet hauden.

¹⁸Un doa wieren eenje unja de Priesta äare Säns, dee framde Frues nohus jefieet hauden, dise; von de Säns Jeschua, däm Sän von Jozadak, un siene Breeda: Maaseja, Elieser, Jarib un Gedalja.

¹⁹Un see jeewen äare Haunt doaropp, daut see äare Frues rutdoonen un eenen Bock vom Kjlienvee fa äare Schult opfren wullen.

²⁰Un von Immer siene Säns: Hanani un Sebadja;

²¹un von Harim siene Säns: Maaseja, Elija, Schemaja, Jechiel un Usija;

²²un von Paschhur siene Säns: Eljoenai, Maaseja, Ismael, Nethaneel, Josabad un Elasa.

²³Un von de Leviten: Josabad, Schimi, Kelaja (daut es Kelita), Petachja, Juda un Elieser.

²⁴Un von de Senja: Eljaschib. Un von de Dooawajchta: Schallum, Telem un Uri.

²⁵Un von Israel: Von Parhosch siene Säns: Ramja, Jissija, Malkija, Mijamin, Eleasar, Malkija un Benaja;

²⁶un von Elam siene Säns: Mattanja, Sekarja, Jechiel, Abdi, Jeremot un Elija;

²⁷un von Sattu siene Säns: Eljoenai, Eljaschib, Mattanja, Jeremot, Sabad un Asisa;

²⁸un von Bebai siene Säns: Jochanan, Hananja, Sabbai, Atlai;

²⁹un von Bani siene Säns: Meschullam, Malluk, Adaja, Jaschub, Scheal un Jeremot;

³⁰un von Pachat-Moab siene Säns: Adna, Kelal, Benaja, Maaseja, Mattanja, Bezalel, Binnui un Manasse;

³¹un von Harim siene Säns: Elieser, Jischija, Malkija, Schemaja, Simeon,

³²Benjamin, Malluk un Schemarja;

³³von Haschum siene Säns: Mattenai, Mattatta, Sabad, Elifelet, Jeremai, Manasse un Schimi;

³⁴von Bani siene Säns: Maadai, Amram, Uel,

³⁵Benaja, Bedja, Keluhi,

³⁶Wanja, Meremot, Eljaschib,

³⁷Mattanja, Mattenai, Jaasai,

³⁸Bani, Binnui, Schimi,

³⁹Schelemja, Nathan, Adaja,

⁴⁰Maknadbai, Schaschai, Scharai,

⁴¹Asarel, Schelemja, Schemarja,

⁴²Schallum, Amarja un Josef;

⁴³von Nebo siene Säns: Jeghiel, Mattitja, Sabad, Sebina, Jaddai, Joel un Benaja.

⁴⁴Dise aula hauden framde Frues jenomen, un daut jeef unja an Frues, dee Kjinja jebuaren hauden.