Read De Bibel JHF Esra 2 Bible Online

Esra 2 - De Bibel JHF bible

Esra 2

¹Un dit sent de Laundeskjinja Juda, dee ut de Jefangenschoft de Wajchjefieede, dee Nebukadnezar, de Kjennich von Babel, no Babel wajchjefieet haud, noppjinjen, un dee no Jerusalem un Juda trigj jinjen, een jiedra en siene Staut,

²dee met Serubabel kaumen, Jeschua, Nehemia, Seraja, Reelaja, Mordechai, Bilschan, Mispar, Bigwai, Rechum un Baana. Dit es de Zol de Mana vom Volkj Israel:

³De Säns Parhosch, 2172;

⁴de Säns Schefatja, 372;

⁵de Säns Arach, 775;

⁶de Säns Pachat-Moab, von de Säns Jeschua un Joab, 2812;

⁷de Säns Elam, 1254;

⁸de Säns Sattu, 945;

⁹de Säns Sakkai, 760;

¹⁰de Säns Bani, 642;

¹¹de Säns Bebai, 623;

¹²de Säns Asgad, 1222;

¹³de Säns Adonikam, 666;

¹⁴de Säns Bigwai, 2 056;

¹⁵de Säns Adin, 454;

¹⁶de Säns Ater, von Hiskia, 98;

¹⁷de Säns Bezai, 323;

¹⁸de Säns Jorah, 112;

¹⁹de Säns Haschum, 223;

²⁰de Säns Gibbar, 95;

²¹de Säns Betlehem, 123;

²²de Säns Netofa, 56;

²³de Mana von Anatot, 128;

²⁴de Säns Asmawet, 42;

²⁵de Säns Kirjat-Arim, Kefira un Beerot, 743;

²⁶de Säns Rama un Geba, 621;

²⁷de Mana von Mikmas, 122;

²⁸de Mana von Betel un Ai, 223;

²⁹de Säns Nebo, 52;

³⁰de Säns Magbisch, 156;

³¹de Säns vom aundren Elam, 1254;

³²de Säns Harim, 320;

³³de Säns Lod, Hadid un Ono, 725;

³⁴de Säns Jericho, 345;

³⁵de Säns Senaa, 3630.

³⁶De Priesta: De Säns Jedaja, vom Hus Jeschua, 973;

³⁷de Säns Immer, 1052;

³⁸de Säns Paschhur, 1247;

³⁹de Säns Harim, 1017.

⁴⁰De Leviten: De Säns Jeschua un Kadmiel, von de Säns Hodawja, 74.

⁴¹De Senja: De Säns Asaf, 128.

⁴²De Säns de Dooawajchta: De Säns Schallum, de Säns Ater, de Säns Talmon, de Säns Akkub, de Säns Hatita, de Säns Schobai, aula toop 139.

⁴³De Tempeldeena: De Säns Zicha, de Säns Hasufa, de Säns Tabbaot,

⁴⁴de Säns Keros, de Säns Siaha, de Säns Padon,

⁴⁵de Säns Lebana, de Säns Hagaba, de Säns Akkub,

⁴⁶de Säns Hagab, de Säns Schalmai, de Säns Hanan,

⁴⁷de Säns Giddel, de Säns Gachar, de Säns Reaja,

⁴⁸de Säns Rezin, de Säns Nekoda, de Säns Gassam,

⁴⁹de Säns Ussa, de Säns Paseach, de Säns Besai,

⁵⁰de Säns Asna, de Säns de Meonita, de Säns Nefisita,

⁵¹de Säns Bakbuk, de Säns Hakufa, de Säns Harchur,

⁵²de Säns Bazlut, de Säns Mechida, de Säns Harscha,

⁵³de Säns Barkos, de Säns Sisera, de Säns Tamach,

⁵⁴de Säns Neziach, de Säns Hatifa.

⁵⁵De Säns de Kjnajchts von Salomo: De Säns Sotai, de Säns Soferet, de Säns Peruda,

⁵⁶de Säns Jaala, de Säns Darkon, de Säns Giddel,

⁵⁷de Säns Schefatja, de Säns Hattil, de Säns Pokeret-Zebaim, de Säns Ami.

⁵⁸Aule Tempeldeena un Säns de Kjnajchts Salomo; 392.

⁵⁹Un dit sent dee, dee ut Tel-Melach, Tel-Harscha, Kerub, Addan un Immer noppjinjen; oba see kunnen äare Vodahiesa un Jeschlajcht nich aunjäwen, auf see ut Israel wieren:

⁶⁰De Säns Delaja, de Säns Tobija, de Säns Nekoda, 652.

⁶¹Un von de Säns de Priesta: De Säns Habaja, de Säns Hakkoz, de Säns Barsillai, dee eene Fru von de Dajchta Barsillai, vom Gileadita, jenomen haud un no äarem Nomen jenant worden.

⁶²Dise sochten äa Jeschlajchtsrejista, oba daut wort nich jefungen; un see worden von däm Priestatum aus onrein jeacht.

⁶³Un de Launtfläaja säd to an, daut see vom Huachheiljen nich äten sullen, bat een Priesta fa de Urim [Licht] un de Tummim [Rajcht] oppsteit.

⁶⁴De gaunze Jemeent wia 42 360,

⁶⁵buta äare Kjnajchts un äare Deenstmejales; dee wieren 7337. Un see hauden noch 200 Senja un Senjarinen.

⁶⁶See hauden 736 Pieed, un 245 Multieren,

⁶⁷un 435 Kameelen, un 6720 Äsel.

⁶⁸Un aus see nom Hus Gottes en Jerusalem kaumen, jeewen eenje von de Heipta de Vodahiesa friewellich fa daut Hus Gottes, om daut aun siene Städ opptobuen.

⁶⁹No äarem Vemäajen jeewen see fa däm Schauz, däm Woakj: Aun Golt 61 000 Dariken [een persischet Goldstekj] un aun Selwa 5000 Mine un 100 Kjleeda fa de Priesta.

⁷⁰Un de Priesta un de Leviten un dee von Volkj un de Senja un de Dooawajchta un de Tempeldeena wonden en äare Städa; un gaunz Israel wond en siene Städa.