Read De Bibel JHF Nehemia 10 Bible Online

Nehemia 10 - De Bibel JHF bible

Nehemia 10

¹Un bie disem aulem muak wie un schreewen eenen fausten Bunt; un oppe vesäajelde Schreft wieren de Nomes von onse Bowaschten, onse Leviten un onse Priesta.

²Un oppe vesäajelde Schreft stunden de Nomes: Nehemia, de Launtfläaja, de Sän von Hakalja, un Zidkija.

³Seraja, Asarja, Jeremia,

⁴Paschhur, Amarja, Malkija,

⁵Hattusch, Schebanja, Malluk,

⁶Harim, Meremot, Obadja,

⁷Daniel, Ginneton, Baruch,

⁸Meschullam, Abija, Mijamin,

⁹Maasja, Bilgai, Schemaja; daut wieren de Priesta.

¹⁰Un de Leviten; Jeschua, Asanja sien Sän, Binnui, von de Säns Henadad, Kadmiel;

¹¹un äare Breeda: Schebanja, Hodija, Kelita, Pelaja, Hanan,

¹²Micha, Rechob, Haschabja,

¹³Sakkur, Scherebja, Schebanja,

¹⁴Hodija, Bani, Beninu.

¹⁵De Volkjs Heipta: Parhosch, Pachat-Moab, Elam, Sattu, Bani,

¹⁶Bunni, Asgad, Bebai,

¹⁷Adonija, Bigwai, Adin,

¹⁸Ater, Hiskia, Assur,

¹⁹Hodija, Haschum, Bezai,

²⁰Harif, Anatot, Nobai,

²¹Magpiasch, Meschullam, Hesir,

²²Meschesabeel, Zadok, Jaddua,

²³Pelatja, Hanan, Anaja,

²⁴Hoschea, Hananja, Haschub,

²⁵Hallochesch, Pilcha, Schobek,

²⁶Rechum, Haschabna, Maaseja,

²⁷Achija, Hanan, Anan,

²⁸Malluk, Harim, Baana.

²⁹Un daut äwaje Volkj, de Priesta, de Leviten, de Dooawajchta, de Senja, de Tempeldeena, un aule, dee sikj vom Laundesvolkj nom Jesaz Gottes aufjesondat hauden, äare Frues, äare Säns un Dajchta, aule, dee Erkjantnis un Ensecht hauden,

³⁰schlooten sikj äare Breeda, de Väanämen unja an, aun un deeden een Eit un Schwua, nom Jesaz Gottes, daut derch Moses, däm Kjnajcht Gottes, jejäft worden es, too waundlen un aule Jebooten Gottes, von onsem Harn, un siene Rajchte un siene Sazungen too hoolen un to doonen;

³¹un daut wie onse Dajchta de Laundesvelkja nich jäwen, noch äare Dajchta fa onse Säns nämen wellen;

³²un daut, wan de Laundesvelkja aum Sabatdach Woa un aulahaunt Jeträajd toom vekjeepen brochten, wie an aum Sabat ooda aun eenem aundren heiljen Dach nich aufnämen wullen; un daut wia aum säwenden Joa daut Launt broak ligjen loten un vonne Schult von jiedre Haunt aufloten wellen.

³³Un wie saden ons Jebooten faust, ons däm 3-en Deel von eenem Schekel em Joa fa däm Deenst em Hus von onsem Gott to jäwen:

³⁴Fa daut Aunsechtsbroot un daut bestendje Speisopfa, un fa daut Beständje Brauntopfa un fa daut selje de Sabaten un de Niemonen, fa de Faste un fa de heilje Dinj un fa de Sindopfa, om Veseenunk fa Israel to doonen, un fa daut Woakj em Hus von onsem Gott.

³⁵Un wie, de Priesta, de Leviten un daut Volkj, schmeeten Lessa äwa de Holtopfa, om daut nom Hus von onsem Gott to brinjen, no de Vodahiesa, too bestemden Tieden, Joa fa Joa, toom vebrennen oppem Aultoa Gottes, onsem Gott, aus daut em Jesaz väajeschräwen es.

³⁶Un wie veflichte ons, daut Ieeschte von onsem Launt un daut Ieeschte von aule Frucht von aulahaunt Beem Joa fa Joa nom Hus Gottes to brinjen,

³⁷un de Ieeschtjebuarne Säns un von onsem Vee, aus daut em Jesaz väajeschräwen es; un de Ieeschtjebuarne von onse Rinda un onsem Kjlienvee nom Hus Gottes no de Priesta to brinjen, dee däm Deenst em Hus von onsem Gott doonen.

³⁸Un daut Ieeschte von onsem Schrootmäl un onse Häwopfa, un de Frucht von aulahaunt Beem, jungen Wien un Eelj well wie de Priesta brinjen enne Zelten aum Hus von onsem Gott; un daut 10-de vom Launt de Leviten. Dan see, de Leviten, sent daut, dee daut 10-de kjrieen en aule Städa von onsem Akabu;

³⁹un de Priesta, de Sän von Aaron, saul bie de Leviten sennen, wan de Leviten daut 10-de kjrieen. Un de Leviten sellen daut 10-de vom 10-den nom Hus von onsem Gott noppbrinjen, enne Zelten vom Schauzhus.

⁴⁰Dan en Zelten sellen de Kjinja Israel un de Kjinja Levi daut Häwopfa von Jeträajd, vom jungen Wien un Eelj brinjen; dan doa es daut heilje Jereetschoft un de Priesta, dee däm Deenst doonen, un de Däarenwajchta un de Senja. Un soo well wie daut Hus von onsem Gott nich veloten.