Read De Bibel JHF Nehemia 11 Bible Online

Nehemia 11 - De Bibel JHF bible

Nehemia 11

¹Un de Bowaschte vom Volkj wonden en Jerusalem. Un daut äwaje Volkj schmeet Lessa, om eenem von 10 komen to loten, doamet hee en Jerusalem, de heilje Staut, wont, oba de 9 aundre Deel enne Städa bliewen.

²Un daut Volkj säajend aule Mana, dee friewellich en Jerusalem wonen wullen.

³Un dit sent de Heipta de Lenda, dee en Jerusalem wonden; oba enne Städa Juda wonden, een jiedra en sienem Ieejentum, en äare Städa; Israel, de Priesta un de Leviten un de Tempeldeena un de Säns von Salomo siene Kjnajchts.

⁴Daut wonden en Jerusalem de Kjinja Juda un de Kjinja Benjamin; von de Säns Juda: Ataja, Usija sien Sän, vom Sän Sekarja, vom Sän Amarja, vom Sän Schefatja, vom Sän Mahalalel, von de Säns Perez;

⁵un Maaseja, Baruch sien Sän, vonne Säns Kol-Hoses, vom Sän Hasaja, vom Sän Adaja, vom Sän Jojarib, vom Sän Sekarja, von de Schilonita.

⁶Aule Säns von Perez, dee en Jerusalem wonden, wieren 468 browe Mana.

⁷Un dit sent Benjamin siene Säns: Sallu, de Sän von Meschullam, vom Sän Joed, vom Sän Pedaja, vom Sän Kolaja, vom Sän Maaseja, vom Sän Ithiel, vom Sän Jesaja;

⁸un no am Gabbai-Sallai, 928.

⁹Un Joel, Sikri sien Sän, wia Oppsechta äwa an; un Juda, Hassenua sien Sän, wia äwa de Staut aus Tweeda.

¹⁰Von de Priesta: Jedaja, [de Sän von] Jojarib, Jakin,

¹¹Seraja, Hilkija sien Sän, vom Sän Meschullam, vom Sän Zadok, vom Sän Merajot, vom Sän Ahitub, de bowaschta Oppsechta vom Hus Gottes,

¹²un äare Breeda, dee däm Tempel`Deenst deeden; wieren 822; un Adaja, Jerocham sien Sän, von Sän Pelalja, vom Sän Amzi, vom Sän Sekarja, vom Sän Paschhur, vom Sän Malkija,

¹³un siene Breeda, Heipta von de Vodahiesa; wieren 242; un Amaschsai, Asarel sien Sän, vom Sän Achsai, vom Sän Meschillemot, vom Sän Immer,

¹⁴un äare Breeda, browe Mana; wieren 128. Un Oppsechta äwa an wia Sabdiel, Haggedolim sien Sän.

¹⁵Un von de Leviten: Schemaja, Haschub sien Sän, vom Sän Asrikam, vom Sän Haschabja, vom Sän Bunni;

¹⁶un Schabbetai un Josabad, von de Heipta de Leviten, dee äwa de butaschte Jeschafte vom Hus Gottes jestalt wieren;

¹⁷un Mattanja, Micha sien Sän, vom Sän Sabdi, vom Sän Asaf, daut Haupt; hee stemmd däm Loffjesank biem Jebäd aun; un Bakbukja, de Tweeda, von siene Breeda; un Abda, Schammua sien Sän, vom Sän Galal, vom Sän Jeduthun.

¹⁸Aule Leviten enne heilje Staut wieren 284.

¹⁹Un de Dooawajchta: Akkub, Talmon un äare Breeda, dee enne Dooasch wachten, 172.

²⁰Un daut äwaje Israel, de Priesta, de Leviten, wieren en aule Städa Juda, een jiedra en sienem Oawdeel.

²¹Un de Tempeldeena wonden oppem Ofel; un Zicha un Gischpa wieren äwa de Tempeldeena.

²²Un Oppsechta de Leviten en Jerusalem, fa daut Jeschaft, em Hus Gottes wieren Ussi, Bani sien Sän, vom Sän Haschabja, vom Sän Mattanja, vom Sän Micha, von de Säns Asaf, däm Senja.

²³Dan een Kjennichsjeboot wia äwa an, un eene Oppgow fa de Senja betrafs däm Doagesjesang.

²⁴Un Petachja, Meschesabeel sien Sän, von de Säns Serach, vom Sän Juda, wia bie de Kjennichshaunt fa aulem Volkjs Aunlidjen.

²⁵Un waut de Darpa opp äare Felda betraft, soo wonden von de Kjinja Juda en Kirjat-Arba un siene Uaten un en Dibon un siene Uaten un en Jekabzeel un siene Darpa;

²⁶un en Jeschua, en Molada, en Bat-Pelet,

²⁷en Hazar-Schual un en Beerscheba un siene Darpa,

²⁸en Ziklag, en Mekona un siene Darpa,

²⁹en En-Rimmon, en Zora, en Jarmut,

³⁰Sanoach, Adullam un siene Darpa, Lachisch un siene Felda, Aseka un siene Darpa. Un see loagaden sikj von Beerscheba bat enne Läacht Hinnom.

³¹Un de Kjinja Benjamin wonden von Geba aun en Mikmas un Aija un Betel un siene Darpa,

³²en Anatot, Nob, Ananja,

³³Hazor, Rama, Gittaim,

³⁴Hadid, Zeboim, Neballat,

³⁵Lod un Ono, enne Läacht de Holtoabeida.

³⁶Un von de Leviten kaumen Aufdeelinj von Juda no Benjamin.