Read De Bibel JHF Nehemia 12 Bible Online

Nehemia 12 - De Bibel JHF bible

Nehemia 12

¹Un dit sent de Priesta un de Leviten, dee met Serubabel, Schealtiel sienem Sän, un Jeschua nopp kaumen: Seraja, Jeremia, Esra,

²Amarja, Malluk, Hattusch,

³Schekanja, Rechum, Meremot,

⁴Iddo, Ginnetoi, Abija,

⁵Mijamin, Maadja, Bilga,

⁶Schemaja, Jojarib, Jedaja,

⁷Sallu, Amok, Hilkija un Jedaja. Daut wieren de Heipta de Priesta un äare Breeda enne Doag Jeschua.

⁸Un de Leviten: Jeschua, Binnui, Kadmiel, Scherebja, Juda, Mattanja; hee un siene Breeda wieren äwa däm Loffjesank;

⁹Bakbukja un Unni, äare Breeda, stunden an jäajenäwa, aus de deenstliche Aufdeelinj.

¹⁰Un Jeschua jebua Jojakim, Jojakim jebua Eljaschib, Eljaschib jebua Jojada,

¹¹Jojada jebua Jonatan, Jonatan jebua Jaddua,

¹²Un enne Doag Jojakim wieren Priesta, Heipta de Vodahiesa: Von Seraja: Meraja; von Jeremia: Hananja;

¹³von Esra: Meschullam; von Amarja: Jochanan;

¹⁴von Meluki: Jonatan; von Schebanja: Josef;

¹⁵von Harim: Adna; von Merajot: Helkai;

¹⁶von Iddo: Sacharja; von Ginneton: Meschullam;

¹⁷von Abija: Sikri; von Minjamin ...; von Moadja: Piltai;

¹⁸von Bilga: Schammua; von Schemaja: Jonatan;

¹⁹von Jojarib: Mattenai; von Jedaja: Ussi;

²⁰von Sallai: Kallai; von Amok: Eber;

²¹von Hilkija: Haschabja; von Jedaja: Nethaneel.

²²Von de Leviten worden enne Doag Eljaschib, Jojada un Jochanan un Jaddua de Heipta de Vodahiesa enjeschräwen, un von de Priesta, unja de Rejierunk Darius, däm Persa.

²³De Säns Levi, de Heipta de Vodahiesa, sent em Buak de Chronik enjeschräwen, un zwoa bat oppe Doag Jochanan, Eljaschib sienem Sän.

²⁴Un de Heipta de Leviten wieren Haschabja, Scherebja un Jeschua, de Sän von Kadmiel, un äare Breeda, dee an jäajenäwa stunden, om to lowen un to danken, nom Jeboot von David, däm Maun Gottes, Aufdeelinj jäajenäwa Aufdeelinj.

²⁵Mattanja, Bakbukja, Obadja, Meschullam, Talmon un Akkub wieren Dooawajchta bie de Väarotskomre.

²⁶Dise wieren enne Doag Jojakim, Jeschua sienem Sän, vom Sän Jozadak, un enne Doag Nehemia, däm Launtfläaja, un Esra, däm Priesta, däm Schreftjelieeden.

²⁷Un bie de Enweiunk de Mia von Jerusalem socht maun de Leviten ut aul äare Uaten, daut maun an no Jerusalem brinjt, om de Enweiunk met Freid too fieren, un met Loffleeda un met Jesank, met Zimmblen, Hoapen un Zittren.

²⁸Doa vesaumelden sikj de Senja äare Säns, soo aus von de Jäajent om Jerusalem uk ut de Darpa de Netofatita,

²⁹un ut Bat-Gilgal un vonne Jäajent von Geba un Asmawet; dan de Senja hauden sikj Häw om Jerusalem jebut.

³⁰Un de Priesta un de Leviten reinijde sikj; un see reinijde daut Volkj un de Dooasch un de Mia.

³¹Un ekj leet de Bowaschte von Juda bowen oppe Mia stieen; un ekj stald 2 groote Chooasch toom danken un Rundgank opp. De eene jinjen aune Rajchte, bowen oppe Mia, nom Mestdooa han.

³²Un hinja an häa jinjen Hoschaja un de Halft de Bowaschte von Juda,

³³un zwoa Asarja, Esra, Meschullam,

³⁴Juda, Benjamin, Schemaja un Jeremia;

³⁵un von de Säns de Priesta met Trompeeten: Sekarja, Jonatan sien Sän, vom Sän Schemaja, vom Sän Mattanja, vom Sän Mikaja, vom Sän Sakkur, vom Sän Asaf;

³⁶un siene Breeda: Schemaja, Asarel, Milalai, Gilalai, Maai, Nethaneel, Juda un Hanani, met däm Seidenspell von David, däm Maun Gottes; un Esra, de Schreftjelieeda, ver an häa.

³⁷Un see jinjen nom Kjwaldooa; un see jinjen jlikj wajch, ver sikj han, oppe Stoopen von David siene Staut nopp oppe Mia, un jinjen aun David sienem Hus vebie un bat aum Wotadooa jäajen Oosten.

³⁸Un daut tweede Dankchooa jinkj an jäajenäwa, un ekj un de Halft vom Volkj jinjen hinja an häa, bowen oppe Mia, aun däm Owetorm vebie un bat aune breede Mia;

³⁹un aum Dooa Efraim un däm Dooa de oole Mia un däm Feschdooa un däm Torm Hananeel un däm Torm Mea vebie un bat aum Schopsdooa; un see bleewen biem Dooa aum Jefenkjnis stonen.

⁴⁰Un beid Dankchooasch stalden sikj aum Hus Gottes opp; un ekj un de Halft de Väastona met mie,

⁴¹un de Priesta Eljakim, Maaseja, Minjamin, Mikaja, Eljoenai, Sekarja un Hananja met Trompeeten;

⁴²un Maaseja, Schemaja, Eleasar, Ussi, Jochanan, Malkija, Elam un Eser. Un de Senja leeten äare Stemm schaule, un Jisrachja wia äa Väastona.

⁴³Un aun däm seljen Dach opfaden see groote Schlachtopfa un freiden sikj, dan Gott haud an groote Freid jejäft; un uk de Frues un de Kjinja freiden sikj. Un de Freid en Jerusalem wort wiet jehieet.

⁴⁴Un aun däm seljen Dach worden Mana bestalt; äwa de Väarotskomre, fa de Häwopfa, fa daut Ieeschte un fa daut 10-de, om von de Felda de Städa de jesazliche Deele fa de Priesta un fa de Leviten doa too saumlen; dan Juda haud Freid aune Priesta un aun de Leviten, dee doa deenden.

⁴⁵Un see stunden em Deenst von äarem Gott un em Deenst de Reinjunk; un soo uk de Senja un de Dooawajchta, nom Befäl von David un sienem Sän Salomo.

⁴⁶Dan verhäa, en David un Asaf siene Doag, jeef daut Heipta de Senja, un Loffleeda un Dankleeda fa Gott.

⁴⁷Un gaunz Israel jeef enne Doag Serubabel un enne Doag Nehemia de Deele de Senja un de Dooawajchta, daut Needje fa jiedrem Dach; oba daut Jeheilichte jeewen see de Leviten, un de Leviten jeewen daut Jeheilichte de Säns Aaron.