Read De Bibel JHF Nehemia 7 Bible Online

Nehemia 7 - De Bibel JHF bible

Nehemia 7

¹Un daut wia, aus de Mia jebut wia, doa sad ekj de Dooasch en; un de Dooawajchta un de Senja un de Leviten worden bestalt.

²Un ekj befool äwa Jerusalem mienem Brooda Hanani un Hananja, däm Bowaschten vonne Burjch; dan hee wia een sea trua Maun un Gottesferchtich ver väle.

³Un ekj säd to an: De Dooasch von Jerusalem sellen nich ea opjemoakt woaren, aus bat de Sonn heet schient; un wan de [Wajchta] noch doa stonen, saul maun de Dooasch too moaken, un dee veschluten. Un jie sellen Wajchta von de Bewona Jerusalems oppstalen, däm eenen opp sienem Poste un däm aundren ver sienem Hus.

⁴Oba de Staut wia wiet un groot, un weinich Volkj doabennen, un noch kjeene Hiesa wieren jebut.

⁵Un mien Gott jeef mie em Hoat, de Adelje un de Väastona un daut Volkj too vesaumlen, om an no de Jeschlajchta opptoschriewen. Un ekj funk daut Jeschlajchtsrejista von dän, dee aus Ieeschte noppjegonen wieren, un funk doabennen jeschräwen:

⁶Dit sent de Kjinja de Launtschoft Juda, dee ut de Jefangenschoft de Wajchjefieede, dee Nebukadnezar, de Kjennich von Babel, wajchjefieet haud, noppjinjen, un dee no Jerusalem un Juda trigj kaumen, een jiedra en siene Staut,

⁷dee met Serubabel kaumen, Jeschua, Nehemia, Asarja, Raamja, Nachamani, Mordechai, Bilschan, Misperet, Bigwai, Nechum, Baana. De Zol de Mana vom Volkj Israel:

⁸De Säns Parosch, 2172;

⁹de Säns Schefatja, 372;

¹⁰de Säns Arach, 652;

¹¹de Säns Pachat-Moab, von de Säns Jeschua un Joab, 2818;

¹²de Säns Elam, 1 254;

¹³de Säns Satu, 845;

¹⁴de Säns Sakai, 760;

¹⁵de Säns Binnui, 648;

¹⁶de Säns Bebai, 628;

¹⁷de Säns Asgad, 2322;

¹⁸de Säns Adonikam, 667;

¹⁹de Säns Bigwai, 2067;

²⁰de Säns Adin, 655;

²¹de Säns Ater, von Hiskia, 98;

²²de Säns Haschum, 328;

²³de Säns Bezai, 324;

²⁴de Säns Harif, 112;

²⁵de Säns Gibeon, 95;

²⁶de Mana von Betlehem un Netofa, 188;

²⁷de Mana von Anatot, 128;

²⁸de Mana von Bat-Asmawet, 42;

²⁹de Mana von Kirjat-Jearim, Kefira un Beerot, 743;

³⁰de Mana von Rama un Geba, 621;

³¹de Mana von Mikmas, 122;

³²de Mana von Betel un Ai, 123;

³³de Mana von däm aundren Nebo, 52;

³⁴de Säns vom aundren Elam, 1 254;

³⁵de Säns Harim, 320;

³⁶de Säns Jerecho, 345;

³⁷de Säns Lod, Hadid un Ono, 721;

³⁸de Säns Senaa, 3 930.

³⁹De Priesta: De Säns Jedaja, vom Hus Jeschua, 973;

⁴⁰de Säns Immer, 1052;

⁴¹de Säns Paschhur, 1247;

⁴²de Säns Harim, 1017:

⁴³De Leviten: De Säns Jeschua un Kadmiel, von de Säns Hodwa, 74.

⁴⁴De Senja: De Säns Asaf, 148.

⁴⁵De Dooawajchta: De Säns Schalum, de Säns Ater, de Säns Talmon, de Säns Akkub, de Säns Hatita, de Säns Schobai, 138.

⁴⁶De Tempeldeena: De Säns Zicha, de Säns Hasufa, de Säns Tabbaot,

⁴⁷de Säns Keros, de Säns Sia, de Säns Padon,

⁴⁸de Säns Lebana, de Säns Hagaba, de Säns Salmai,

⁴⁹de Säns Hanan, de Säns Giddel, de Säns Gachar,

⁵⁰de Säns Reaja, de Säns Rezin, de Säns Nekoda,

⁵¹de Säns Gassam, de Säns Ussa, de Säns Paseach,

⁵²de Säns Besai, de Säns de Maunim, de Säns Nefisim,

⁵³de Säns Bakbuk, de Säns Hakufa, de Säns Harchur,

⁵⁴de Säns Bazlit, de Säns Mechida, de Säns Harscha,

⁵⁵de Säns Barkos, de Säns Sisera, de Säns Tamach,

⁵⁶de Säns Neziach, de Säns Hatifa.

⁵⁷De Säns vonne Kjnajchts Salomo: De Säns Sotai, de Säns Soferet, de Säns Perida,

⁵⁸de Säns Jaala, de Säns Darkon, de Säns Giddel,

⁵⁹de Säns Schefatja, de Säns Hattil, de Säns Pocheret-Zebajim, de Säns Amon.

⁶⁰Aule Tempeldeena un Säns de Kjnajchts Salomo, 392.

⁶¹Un dise sent daut, dee ut Tel-Melach, Tel-Harscha, Kerub, Addon un Immer noppjinjen; oba see kunnen äa Vodahus un äa Somen nich aunjäwen, auf see ut Israel wieren:

⁶²De Säns Delaja, de Säns Tobija, de Säns Nekoda, 642.

⁶³Un von de Priesta: De Säns Habaja, de Säns Hakkoz, de Säns Barsillai, dee eene Fru von de Dajchta Barsillai, däm Gileadita, jenomen haud un no äarem Nomen jenant wort.

⁶⁴Dise sochten äa Jeschlajchtsrejista, oba daut wort nich jefungen; un see worden vom Priestatum aus onrein utjeschloten.

⁶⁵Un de Launtfläaja säden to an, daut see vom Huachheiljen nich äten sullen, bat een Priesta met däm Urim [Licht] un de Tummim [Rajcht] oppsteit.

⁶⁶De gaunze Jemeent wia 42 360,

⁶⁷buta äare Kjnajchts un äare Deenstmejales; dee wieren 7337. Un see hauden 245 Senja un Senjarinen.

⁶⁸Äare Pieed wieren 736, äare Multieren 245,

⁶⁹un Kameelen 435, un Äsel 6720.

⁷⁰Un een Deel de Heipta de Vodahiesa jeef toom Woakj. De Launtfläaja jeef fa däm Schauz; aun Golt 1000 Dariken (persischet Jelt), 50 Spretzkommen, 530 Rakj fa de Priesta.

⁷¹Un eenje von de Heipta de Vodahiesa jeewen fa däm Schauz toom Woakj; aun Golt 20 000 Dariken, un aun Selwa 2200 Mine. Un waut daut äwaje Volkj jeef, wia aun Golt 20 000 Dariken, un aun Selwa 2000 Mine, un 67 Rakj fa de Priesta.

⁷²Un de Priesta un de Leviten un de Dooawajchta un de Senja un dee ut däm Volkj un de Tempeldeena un gaunz Israel wonden en äare Städa.