Read De Bibel JHF Hiob 23 Bible Online

Hiob 23 - De Bibel JHF bible

Hiob 23

¹Un Hiob auntwuad un säd:

²Uk nu es miene Kloag betta; siene Haunt laust schwoa opp mienem Sefzen.

³Oo daut ekj wist, woo ekj am finj, daut ekj komen kunn no siene Wonstäd!

⁴Ekj wudd mien Rajcht ver am hanlajen, un mien Mul met Bewiesgrunt fellen.

⁵Ekj wudd de Wieed weeten, dee hee mie auntwuad, un veneeme, waut hee mie sajen wudd.

⁶Wudd hee en siene groote Krauft met mie strieden? Ne; hee wudd blooss opp mie achthaben.

⁷Dan wudd een Rajchtschaufna met am rechten, un opp eewich wudd ekj mienem Rechta entkomen.

⁸Kjikj, go ekj verwoats, soo es hee nich doa; un äwaroasch, soo moakj ekj am nich;

⁹es hee linkjsch, wan hee wirkjt, soo kaun ekj am nich seenen; vestopt hee sikj rajchtsch, un ekj kaun am nich seenen.

¹⁰Dan hee kjant däm Wajch, dee bie mie es; prooft hee mie, aus Golt wudd ekj rutkomen.

¹¹Aun sienem Schrett haft mien Foot faustjehoolen, un sienem Wajch ha ekj beoobacht un sie nich aufjeboagen;

¹²von däm Leppenjeboot sie ekj nich aufjegonen, ekj ha de Wieed ut sienem Mul bewoat, mea aus mien ieejnet Jeboot.

¹³Doch hee es dee Eena, un wäa kaun sienen [Senn] endren? Waut siene Seel wenscht, daut deit hee.

¹⁴Dan hee woat vollfieren, waut äwa mie bestemt es; un soowaut es välet bie am.

¹⁵Doarom sie ekj erschrakjt ver sienem Aunjesecht; un wan ekj daut bedenkj, soo enjst ekj mie ver am.

¹⁶Jo, Gott haft mien Hoat vezoagt jemoakt, un de Aulmajchtja haft mie erschrakjt.

¹⁷Dan ekj sie von de Diestanis nich venicht, noch wiels de Dunkelheit mien Aunjesecht bedakjt haft.